စိတ်ကူးတွေ ယဉ်ချင်လာတာကနေ ကျောင်းရောက်ရင် ငါ့ကိုကြည့်သူတွေ ရှိရဲ့လား၊ သတိထားသူတွေ ရှိပါ့မလားလို့ စိတ်ကစားတာ၊ အရွယ်တူယောက်ျားလေးတွေရဲ့ ဂရုစိုက်ကြည့်တာများခံလိုက်ရရင် ရင်ထဲမှာ သိမ့်သိမ့်တုန်လောက်အောင် ဖြစ်သွားတာတွေဟာလည်း ငါဘာလဲ ဆိုတာ ကြေညာ လိုက်သလို ဖြစ် သွား ပါ တော့တယ်။
ဒီအချိန် အရွယ်တွေမှာ မိဘတွေအတွက်တော့ အတော်လေး သောကပွားရတော့မယ်လို့သာ မှတ် လိုက်တော့။ ကိုယ်က မိဘအရွယ် ရောက်လာပြီ၊ ကိုယ်လည်း တစ်ချိန်တုန်းက ရင်ခုန်မှုတွေ ခံစားခဲ့ ရပေမယ့် ကိုယ့် သမီးလေးကိုတော့ နားလည်နိုင်အောင် အတော်လေးကြိုးစား ပေးရဦးမှာပါ။
အပျိုဖော်ဝင်လာရင် ကိုယ်ခန္ဓာ အရွယ်အချိုးအစား အမျိုးမျိုးပြောင်းလဲ လာပါတော့တယ်။ စိတ်မသက် မသာ ဖြစ်ခြင်း၊ တုန်လှုပ်ချောက်ချားခြင်းတွေဖြစ်လာတယ်။ ဒါဟာ မဟိုမုန်းတွေပြောင်းလဲ လာ တာကြောင့် ဖြစ် ပါ တယ်။ စိတ်ထဲမှာ မအီမသာနဲ့ အလိုမကျ ဖြစ်နေတာကို မိဘတွေကလည်း နားလည်ပေး မယ်၊ ဒီလိုဖြစ်တတ် ကြောင်းကို အသိလည်း ပေးထားနိုင်လောက်အောင် မိဘတွေမှာ ဗဟုသု တရှိရင် ကောင်းပါတယ်။
အပျိုဖော်ဝင်စ အရွယ်ဆိုတာ ၁၃ နှစ်ကနေ စပါတယ်။ ဒီအချိန်မှာ ပျိုမေတို့ ကိုယ်အလေးချိန် တက်လာ မယ်။ ပြားချပ်ချပ် ခါးမတ်မတ်ကနေ၊ အကောက် အကွေ့ အမို့အမောက်တွေ နဲ့ ဖြစ်လာတော့ မယ်။ ပခုန်းတွေ ကျယ်လာ၊ တင်ပါးတွေ မောက်လာ၊ ရင်သားတွေတင်းလာတာကတော့ အထင်ရှားဆုံး လက္ခ ဏာတွေ ပါ။ လွန်ခဲ့တဲ့ ၂ နှစ်၊ ၃ နှစ်ကထက် ဖွံ့ဖြိုးမှုဟာ တစ်ဟုန်ထိုး ဖြစ်လောက်အောင် သိသာတယ်လို့ ဆိုနိုင် တယ်။
အရပ်အမောင်းတွေမြင့်လာတယ်။ ရင်သားတွေ အခံရခက်လောက်အောင် ရောင်ကိုင်းလာတာ မျိုးတွေ ဖြစ်လာ လိမ့် မယ်။ မကြာမီ ကြီးထွားလာတော့မယ့် နိမိတ်တွေပေါ့။ တစ်ခါတစ်လေ ရင်သား တစ် ဖက် က အခြား တစ်ဖက်ထက် ပိုပြီးကြီးထွားလာတာမျိုးလည်း ကြုံရနိုင်တယ်။ ဒါကိုလည်း စိုးရိမ်သော ကဖြစ်စ ရာ မလိုဘူး၊ နောက်တော့ ပြေလည်သွားလိမ့်မယ်။
မိန်းကလေးတွေဟာ ၁၀ နှစ်ကျော် လာတာနဲ့ ဖွံ့ဖြိုးမှုနှုန်းဟာမြင့်လာတယ်။ ဒါကိုလူကြီးတွေက အချိုးမကျ ခွတီးခွတ အနေနဲ့ မျက်စိထဲမှာ မြင်တတ်ကြတယ်။ ဖွံ့ဖြိုးမှုနောက်မှာ စိတ်အလိုမကျမှုတွေ၊ စိတ် ရှုပ်ထွေး နေမှုတွေလည်းဖြစ်နေတတ်သေးတယ်။ အပျိုဖော်ဝင် လိုက်တာနဲ့ အခြားသွင်ပြင် လက္ခ ဏာတွေဖြစ်တဲ့ ချိုင်းမွေး၊ ခြေသလုံးမွေး၊ လက်မောင်း လက်ဖျံတွေမှာပါ အမွေးနုလေးတွေ ထွက်လာတာနဲ့ ရင်ဆိုင်ရလိမ့် မယ်။ ဒါဆိုရင် အပျိုလေးဘ၀ နဂိုသွေးကြွဖို့ အချိန်ရောက်ပြီလို့ အချက်ပေးလိုက်တာပါ။ မိဘတွေအနေနဲ့ ဒီအချိန်မျိုး မှာ ဖြေသိမ့်ပေးခြင်း၊ နားလည်အောင်ကြိုးစားပေးခြင်းဟာ အတော်လေး အရေးကြီးတဲ့ အချိန်လည်းဖြစ်ပါတယ်။
ရင်သားတွေစပြီး ဖွံ့ဖြိုးလာတဲ့အချိန်ကစပြီး တစ်နှစ်၊ နှစ်နှစ်အတွင်း ရာသီသွေးတွေ ဆင်းလာတော့မယ်။ အမေလုပ်သူတွေအတွက် ဘယ်လိုအကြောင်း ကြောင့် ရာသီသွေးဆင်းရတယ်၊ ဘယ်လိုအကာ အကွယ် ပြုရမယ်ဆိုတာ လက်ဦး ဆရာတစ်ယောက်ပမာ သွန်သင်ပြသရပါတော့မယ်။
အလွယ်ဆုံးနဲ့အရိုးဆုံး၊ ကြောက်စရာ မကောင်းအောင် ရှင်းပြနည်းကိုသာ ကျင့်သုံးသင့်တယ်။ ရာသီသွေး ဆင်းတယ်ဆိုတာ ခန္ဓာကိုယ်က မလိုအပ်တဲ့အရာ တစ်ခုကို စွန့်ထုတ်လိုက်ခြင်းသာဖြစ်တယ်။ ကိုယ်ထဲမှာရှိ တဲ့ သားအိမ်က အမျိုးသမီးတွေရဲ့ ဓမ္မတာ သားသမီး ရနိုင်အောင် သွေး သစ်လောင်းပြီး သွေးဟောင်း စွန့်ထုတ် တဲ့ စနစ်ကို သဘာဝ အတိုင်းပြုလုပ် ရတယ်။
သားအိမ်ကနေပြီး မမျိုးဥကို ထုတ်လွှတ်လိုက်ချိန်မှာ သားအိမ်ပြွန် ကနေကျလာပြီး ကြီးထွားလာ တတ်တယ်။ ဒီလိုအစဉ်မပြတ်ကျလာတဲ့ မျိုးဥတွေဟာ မအောင်မြင်မှုတွေ များလာရင် သားအိမ်ထဲမှာ မလိုအပ်တော့တာကြောင့် သွေးတွေနဲ့ပေါင်းစပ်ပြီး ဆင်းလာရတယ်။ ဒါကို ရာသီလာတယ်လို့ခေါ်တယ်။ ၅ ရက်ကနေ ၇ ရက်ခန့်အထိ ကြာတတ်တယ်။
ရာသီဆင်းပြီး နှစ်ပတ်လောက် ကြာရင် မျိုးဥအသစ်တွေကိုထပ်ထုတ်ပြီး ဒီလိုပဲ သံသရာပြန်လည်နေ လိမ့်မယ်။ အမျိုးသမီးဖြစ်ရတဲ့ ဘ၀မှာ သဘာဝတရားက မိခင်လောင်းအဖြစ် ဖန်တီးပေးထားတာကြောင့် ဒီအဖြစ်မျိုးကို မလွဲမသွေ ခံစားရလိမ့်မယ် ဆိုတာကို မိဘကလည်းသိ၊ သားသမီးကိုလည်း သိစေရင် ပြဿနာ မဖြစ်စေနိုင်ပါဘူး။
ရာသီသွေးဆင်းချိန်မှာ ကိုယ့်သမီးအတွက် အတွင်းခံအပို၊ အမျိုးသမီးလစဉ် သုံးပစ္စည်း၊ တစ်သျှူး အပိုတွေက အစ ဆောင်သွားတတ်၊ သုံးတတ်အောင် မိခင်တွေက အဆင့်ဆင့် လက်ဆင့် ကမ်းပေး နိုင်ရ ပါလိမ့်မယ်။ စနစ် ကျကျ၊ နည်းလမ်းကျကျနဲ့ ဖြစ်နိုင်တာတွေကိုလည်းရှင်းပြ ပြောပြရင် ရာသီစလာချိန်နဲ့ကြုံ လိုက်ရတဲ့ အပျိုဖော်ဝင်စ သမီးလေးတွေမှာ စိတ်ဆင်းရဲခြင်း၊ စိတ်ဒုက္ခရောက်ခြင်းဘေးက ကင်းဝေးနိုင်ပါ လိမ့် မယ်။ တစ်ကိုယ်ရေ သန့်ရှင်းရေး၊ အသုံးပြုစဉ် သန့်ရှင်းရေးတွေကိုပါ စိတ်ရှည်လက်ရှည် သုံးပြ လမ်းညွှန်ပြ နိုင်မယ် ဆိုရင် ပိုကောင်းပါတယ်။
ခန္ဓာကိုယ်မှာရှိတဲ့ ဟိုမုန်းဓာတ်တွေရဲ့ တွန်းထိုးဆောင့်ဆွဲတာကို ခံနေရတဲ့ ပျိုမေလေးတွေအဖို့ ရင်သားနဲ့ ဝမ်းဗိုက်နေရာတွေမှာ အထိမခံနိုင်လောက်အောင် ဖြစ်လာတတ်တယ်။ စိတ်ကသိကအောက်နဲ့ အပြင် မထွက်ချင်၊ ကျောင်းမသွားချင် ဖြစ်လာတတ်တယ်။
လူဝလာတာထက်၊ ဝက်ခြံတွေထွက်လာတာကို ပိုပြီး စိတ်ဆင်းရဲတတ်တယ်။ စိတ်လှုပ်ရှားလွန်း တာကြောင့်ရယ်၊ ဟိုမုန်းအပြောင်းအလဲမှာ ခံစားလာရတာဖြစ်လို့ စိုးရိမ်စရာတော့ မလိုပါဘူး။ သိပ်ပြီး ဝက်ခြံတွေထွက် တာ များလွန်းရင်တော့ ဆရာဝန်ထံသွားပြီး ပြသကုသ ပေးသင့်တယ်။
ရာသီလာစဉ်မှာ ကိုက်ခဲမှုကို ခံစားရရင်တော့ ပါရာစီတမော ဆေးလောက် သောက်တာ ပြဿနာ ကင်းတယ်လို့ ဆိုပါတယ်။ ဗီတာမင် B6 ဓာတ်ပါတဲ့ အစားအစာတွေစားမယ်၊ လေ့ကျင့်ခန်း လုပ် မယ်၊ ရေနွေးနဲ့ ရေချိုးမယ် ဆိုရင်လည်း ပျောက်ကင်းစေနိုင်တယ်လို့ ဆိုပါတယ်။ ရေနွေးပုလင်းကို ဝမ်းဗိုက်ပေါ် မှာ တင်ထားရင်လည်း သက်သာတယ်လို့ ပြောကြတယ်။ ဖျော်ရည်တစ်မျိုးမျိုးကို ပူပူနွေးနွေးလေးဖြစ်အောင်လုပ်ပြီး သောက်လိုက်ရင် လည်းပျောက်နိုင်တယ်။
နားလည် တတ်ကျွမ်းတဲ့ ဆရာဝန်တွေရဲ့ အကြံကိုယူတာတော့ အကောင်းဆုံးပဲ ဆိုတာ မမေ့ပါနဲ့။
ဝက်ခြံပျောက်အောင် လုပ်ဖို့ကတော့ နည်းနည်းခက်တယ်။ သက်သာအောင် လုပ်နိုင်တဲ့နည်းတွေတော့ အများကြီးရှိ ပါတယ်။ မျက်နှာကို သန့်စင်အောင်ဆေးကြောတာကတော့ အဓိကကျပါတယ်။ မျက်နှာပေါ်မှာ အဆီနဲ့ပိုးမွှားတွေကင်းရင် ပျောက်ကင်းဖို့လမ်းများတယ်။
ဝက်ခြံကို မညှစ်ဖို့လိုတယ်။ အနာဖြစ်ပြီး အမာရွတ် ကျန်သွားရင် ပိုပြီးရုပ်ဆိုးစေနိုင် တယ်။ ရေများ များသောက် မယ်။ အသီးအနှံများ များစားမယ်။ ငါးပိ၊ ငါးခြောက် စတဲ့ အငန်ဓာတ်များတဲ့ အစားအ စာတွေကို အဓိကရှောင်မယ်။ မျက်နှာလေးကို အမြဲတမ်းစိုနေအောင် ဂရုစိုက် ထားမယ်ဆိုရင် ဝက်ခြံပျောက် သွားနိုင်ပါလိမ့်မယ်။
ခန္ဓာကိုယ် အပြောင်းအလဲတွေများလာရင် ဆယ်ကျော်သက်တွေ ကိုယ့်ကိုယ်ကို သိပ်ပြီးသတိထား လာ တတ်ကြတယ်။ တီဗွီတွေ၊ မဂ္ဂဇင်းတွေကရုပ်ပုံတွေ ဓာတ်ပုံတွေကို စိတ်ဝင်စားလာကြတယ်။
ကျန်းမာ ၀ဖြိုးတဲ့ ခန္ဓာကိုယ်အချိုးအစားထက် မော်ဒယ်တွေလို သွားကြားထိုးတံ လမ်းလျှောက်လာသလို ပိန်ကပ်ကပ် ပုံစံတွေကို မျက်စိကျလာပြီး အစားလျှော့တော့မယ်လို့ ပြောမလာအောင် မိဘတွေက ကျန်း မာရေး ရှုထောင့်က နေပြီး မကောင်းတဲ့အချက်တွေကို ရှင်းပြရလိမ့်မယ်။ ဖွံ့ဖြိုးစအရွယ်မှာ ဖွံ့ဖြိုးေ စဖို့ပဲလိုတယ်။ ထိန်းချုပ်မှုတွေကို မလိုအပ်ဘဲ သွားလုပ်လိုက်ရင် ဘေးတွေ့စေနိုင်ပါတယ်။
မိဘတွေ သောကအများရဆုံးကတော့ လိင်မှုကိစ္စဖြစ်ပါတယ်။ အပျိုဖော် ဝင်လာတာနဲ့ ဆန့်ကျင်ဖက် လိင်ကို စိတ်ဝင်စားလာပါလိမ့်မယ်။ မိန်းကလေးတွေ အနေနဲ့ စိတ်လှုပ်ရှားလာ လွန်း တာကြောင့် လေတိုက်လို့ သစ်ရွက် လှုပ်တာကြည့်ပြီးတော့တောင် ငိုချင်ငိုနေတတ် တဲ့အချိန် ဖြစ်ပါတယ်။ ဒီအချိန်မှာ အပျိုဖော်ဝင်စစိတ်ဟာ သိပ်ထင်ရှားပါတယ်။ ချစ်ချင်တယ်၊ အချစ်ခံချင်တယ်၊ မနာလိုစိတ်၊ ဝန်တိုစိတ်တွေ ပထမဦးဆုံး အနေနဲ့ ပေါ်လာတတ်တယ်။
မသိမှုနယ်ပယ်ထဲကို တိုးဝင်ချင်တဲ့ ဆန္ဒတွေ လွန်ကဲလာတတ်တယ်။ ကိုယ်ဝန်ဆောင်ခြင်း၊ သန္ဓေတားခြင်း၊ လိင်ဆက်ဆံခြင်းတွေအပေါ် စိတ်ဝင်စားလာတတ်သလို စမ်းသပ်ချင်တဲ့ ဆန္ဒတွေ လည်း ဖြစ်ပေါ်လာ တတ်တယ်။ အကောင်းအဆိုး မဝေခွဲနိုင်ချိန် ဖြစ်လို့ ထိန်းသိမ်းပေးနိုင်ဖို့ သိပ်အရေးကြီး တဲ့ အရွယ်ပေါ့။ လိင်ဆက်ဆံလို့ဖြစ်လာနိုင်တဲ့ ရောဂါတွေ၊ နောက်ဆက်တွဲဆိုးကျိုးတွေကို သူတို့ဘာမှ သဘော မပေါက်သေးတာကြောင့် လူကြီးတွေက ရှင်းပြနိုင်ဖို့ သိပ်အရေးကြီးတယ်။ အတင်းအဓမ္မ ထိန်းချုပ် တာထက်၊ သဘောပေါက်အောင် ရှင်းပြနိုင်ရမယ်။
မိတ်ဆွေသူငယ်ချင်း ဆိုတာဘာလဲ၊ ယောက်ျားမိန်းမ အရွယ်မရောက်မီဆက်ဆံရေးဟာ ဘယ်လောက် အတိုင်း အတာအထိပဲ ဖြစ်သင့်သလဲ ဆိုတာတွေကို သွန်သင်ညွှန်ပြပေးသင့်တယ်။
သူတို့က မသိလို့မေးလာသမျှ စိတ်ရှည်ရှည်ဖြေ ကြားပေးနိုင်အောင်ကြိုးစားလာရင် ကိုယ့် အပေါ်ကို ယုံကြည် အား ကိုးစိတ်နဲ့ အမြဲချဉ်းကပ် နေလိမ့်မယ်။ မိဘတွေက အမြဲငေါက်ငမ်းပြီး ဟောက်ထုတ်နေ ရင်တော့ ကိုယ်နဲ့ဝေးလေ သူတို့စိတ်ကို သိနိုင်ဖို့ ခက်လေဖြစ်တော့မယ်။
မေတ္တာတရား၊ အပြန်လေးစား ချစ်ခင်မှု၊ စေတနာထား သွန်သင်ညွှန်ပြပေးမှုတွေသာ အပျိုသွေးကြွနေတဲ့ သမီးဖြစ်သူရဲ့ဘ၀ကို ကိုယ့်ရဲ့ဘ၀လို ဖြစ်အောင် ပြုစုပျိုးထောင်နိုင်မယ်လို့ မှတ်ယူထားလိုက်ရအောင်။
Credit: Myanmar Daily Star
ဤစာဖတ်သူများအားလုံး ပျော်ရွင်ချမ်းမြေ့ကြပါစေလို့ ရွှေချစ်သူ မှ ဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်း မေတ္တာတစ်မျိုးပဲ မို့ မျှဝေပေးပါနော်...
