ကယ်လီဖိုးနီးယားရှိ ကာဆာဘလန်ကာမှ နေအိမ်တွင် လုံခြုံရေး စောင့်ကြည့်ဂိတ်တစ်ခု တပ်ဆင်လိုက်သလို လုံခြုံရေးဝန်ထမ်း အရေအတွက်ကိုလည်း တိုးမြှင့် ခန့်အပ်ခဲ့ကြောင်း သိရသည်။
ဆယ်လီနာဂိုမက်ဇ် အနေဖြင့် သူမ၏ နေအိမ်လုံခြုံရေး ကဏ္ဍကို မြှင့်တင်လိုက်ကြောင်း သတင်းများက ဖော်ပြခဲ့သည်။ မကြာသေးမီ သီတင်းပတ်များက သူမ၏ နေအိမ်ထဲသို့ လူတစ်ဦးက နှစ်ကြိမ်တိုင် ကျူးကျော်ဝင်ရောက်ခဲ့သည့်နောက် ဆယ်လီနာက ယခုကဲ့သို့ လုံခြုံရေးဆိုင်ရာ မွမ်းမံမှုများ ပြုလုပ်ရန် ဆုံးဖြတ်ခဲ့ခြင်း ဖြစ်သည်။ ကယ်လီဖိုးနီးယားရှိ ကာဆာဘလန်ကာမှ နေအိမ်တွင် လုံခြုံရေး စောင့်ကြည့်ဂိတ်တစ်ခု တပ်ဆင်လိုက်သလို လုံခြုံရေးဝန်ထမ်း အရေအတွက်ကိုလည်း တိုးမြှင့် ခန့်အပ်ခဲ့ကြောင်း သိရသည်။ Come & Get Itစတား အဆိုတော်သည် သူမကို အလွန်အကျွံ စွဲလမ်းနေသည့် ပရိသတ်အချို့ရန်မှ ကာကွယ်ရန် အလေးအနက် လုပ်ဆောင်နေရသည်။
ဆယ်လီနာ အနေဖြင့် အဆိုပါ ဖိအားများသော အခြေအနေမျိုးတွင် စိုးရိမ်သောက ရောက်နေကြောင်းလည်း နီးစပ်သူများက ပြောကြားခဲ့သည်။ ဆယ်လီနာ၏ လုံခြုံရေး အကြံပေးများက ဒေါ်လာ(၃)သန်းတန် စံအိမ်ကြီးတွင် လုံခြုံရေးဆိုင်ရာ အားနည်းမှုများ ရှိနေသည်ကို ထောက်ပြခဲ့သည်။ အသက်(၂၁)နှစ်ရှိ အဆိုတော် မင်းသမီးသည် ဧပြီလ (၄)ရက်နေ့က သူငယ်ချင်းများနှင့်အတူ နေအိမ်ထဲတွင် ရှိနေခိုက် ခြံဝင်းထဲ ကျူးကျော်လာသူ တစ်ဦးကို လုံခြုံရေးများက ဖမ်းဆီးမိခဲ့ဖူးသည်။ သူမသည် ယခင်ကလည်း အလားတူ အခြေအနေအချို့ကို ကြုံခဲ့ရဖူးသည်။
အခြားသော သတင်းများအရ ဆယ်လီနာသည် Celebrity လူငယ်အပေါင်းအသင်းများ ဖြစ်ကြသည့် ကန်ဒေါလ်ဂျန်နာ၊ ကိုင်လီဂျန်နာ ညီအစ်မ နှစ်ဦးနှင့် ဆက်ဆံရေး ဆိုးရွားနေဖွယ် ရှိကြောင်း သိရသည်။ Spring Breakersစတား ဆယ်လီနာသည် အဆိုပါ ညီအစ်မ နှစ်ဦးကို Twitterတွင် Followလုပ်ထားမှုအား ပယ်ဖျက်လိုက်ပြီး သူမတို့အတူတကွ ရိုက်ကူးထားသည့် ဓာတ်ပုံများကိုလည်း ဖယ်ရှားပစ်ခဲ့သည်။ ယင်းမှာ ကန်ဒေါလ်နှင့် ကိုင်လီတို့ နှစ်ဦးက ဆယ်လီနာနှင့် ဆက်ဆံရေး ကောင်းလိုက်ဆိုးလိုက် ဖြစ်နေသည့် ချစ်သူ ဂျက်စတင်ဘီဘာနှင့် ဆက်နွယ်ပတ်သက်ခဲ့၍ဟုလည်း သတင်းများ ထွက်ပေါ်လျှက်ရှိသည်။
Credit: Myawady News
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
