ကင်ဝူဘင်းဟာ တကယ်တော်တဲ့ သရုပ်ဆောင်ကောင်းပါလို့ ဖွင့်ဟလိုက်တဲ့မင်းသား ဂျန်ဒေါင်ဂန်း

ကိုရီးယားနိုင်ငံရဲ့ နာမည်အကြီးဆုံးနဲ့ ပေါ်ပြူလာအဖြစ်ဆုံး မင်းသားတွေထဲမှာ တစ်ဦးအပါအ၀င်ဖြစ်တဲ့ ဂျန်ဒေါင်ဂန်းကတော့ သရုပ်ဆောင်ပိုင်းနဲ့ ပတ်သက်ပြီး ခုနောက်ပိုင်း နာမည်ကြီးလာတဲ့ ကင်ဝူဘင်းကို သဘောကျတယ်ဆိုတဲ့ အကြောင်း ဖွင့်ဟခဲ့ပါတယ်။ Osen ကပြုလုပ်ခဲ့တဲ့ အင်တာဗျူးတစ်ခုမှာ ဂျန်ဒေါင်ဂန်းဟာ ၀ူဘင်းရဲ့ သရုပ်ဆောင်ပညာဟာ တော်ရုံတန်ရုံမဟုတ်ကြောင်းနဲ့ အစွမ်းအစရှိတဲ့ သရုပ်ဆောင်ကောင်းဖြစ်တယ်လို့ ဆိုခဲ့တဲ့အပြင် သူနဲ့တွဲပြီး အလုပ်လုပ်ရတာကိုလည်း ဂုဏ်ယူစရာပါလို့ ပြောခဲ့ပါတယ်။

ဂျန်ဒေါင်ဂန်းဟာ Friend 2 ဇာတ်လမ်းမှာ ကင်ဝူဘင်းနဲ့အတူ သရုပ်ဆောင်ခဲ့တာဖြစ်ပြီး ကင်ဝူဘင်းနဲ့ ပတ်သက်ပြီး သူပြောပြသွားတာက "ကျွန်တော် ၀ူဘင်း သရုပ်ဆောင်တာကို SBSက လွှင့်တဲ့ A Gentleman's Dignity ဇာတ်လမ်းတွဲမှာ စကြည့်ဖူး တာ။ အဲ့ဒီအချိန်ကတည်းက သူသရုပ်ဆောင်တာကို သဘောကျခဲ့တာ။ အဲ့ဒီတုန်းက သူက သရုပ်ဆောင်အသစ်လို့ပြောပေမယ့် သူ့သရုပ်ဆောင်တာ တကယ်ကို ၀ါရင့်တစ်ယောက်လိုပါပဲ။ တကယ်ကို အရည်အချင်းရှိတဲ့သူပါ။" တဲ့။

ဒါ့အပြင်သူကဆက်ပြီး "သူ သရုပ်ဆောင်တာ ကောင်းတယ်လို့ ခံစားရတဲ့သူကလည်း ကျွန်တော်တစ်ယောက်တည်း မဟုတ်ပါဘူး။ အဲ့ဒီအချိန် ကျွန်တော်နဲ့အတူ ရှိနေတဲ့သူတွေအကုန်လုံးက အဲ့ဒီလို ပြောသွားကြတာ။ ကင်ဝူဘင်းဟာ အနာဂတ်မှာ ပိုမိုတောက်ပလာဦးမယ့် ကြယ်တစ်ပွင့်ပါ" လို့ ပြောသွားပါသေးတယ်။

Credit: Trend Myanmar

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...