စိတ်ဖိစီးတယ်ဆိုတာ လူတိုင်းဖြစ်နေတဲ့အရာပါ။ သိပ်တော့ ကိစ္စမရှိပါဘူး။ အလုပ်ကြောင့် စိတ်ဖိစီးတာ၊ မိသားစုကိစ္စကြောင့် စိတ်ဖိစီးတာ၊ အချစ်ရေးကြောင့် စိတ်ပင်ပန်းနေရတာမျိုးတွေဟာ လူတိုင်းနီးပါး တစ်မျိုးမဟုတ်တစ်မျိုး ခံစားနေရတာမျိုးဆိုတော့ ကိုယ်တစ်ယောက်တည်းတော့ မဟုတ်ပါဘူး။ ဒါပေမယ့် သိပ်ပြီး ခံစားတတ်လွန်းရင်၊ စိတ်ဖိစီးတတ်လွန်းနေတဲ့အခါမှာတော့ ကိုယ့်ကိုယ်ကိုယ် စိတ်ဖိစီးနေမှန်း မသိရင်တောင် သင့်ခန္ဓာကိုယ်ရဲ့ပြောင်းလဲလာတဲ့ တစ်ချို့သောအရာတွေကြောင့် သင့်စိတ်ဖိစီးမှုတွေ ဖြစ်နေပြီဆိုတာ သိသွားစေပါတယ်။ ဘယ်လိုအရာမျိုးတွေက သင်စိတ်ဖိစီးနေတယ်ဆိုတာ ပြောပြပေးနိုင်ပါသလဲ။
၁။ဗိုက်တွေအောင့်တာ
အလုပ်မှာ စိတ်ဖိစီးမှုများတဲ့သူတွေဟာ မကြာခဏဗိုက်အောင့်လေ့ရှိကြပါတယ်။ အစာမစားလို့ အောင့်တာမျိုး မဟုတ်ပဲ စိတ်ကြောင့်ဖြစ်ရတဲ့ ရောဂါပါပဲ။ ဒီလိုတွေဖြစ်နေပြီဆိုရင် သင်ဟာ စိတ်ဖိစီးမှုဒဏ်ကို စတင်ခံစားနေရပါပြီ။
၂။ဆံပင်တွေ ကျွတ်တာ
ရည်းစားနဲ့ လမ်းခွဲလိုက်ရလို့၊ အလုပ်မှာ ဘယ်လိုမှ အဆင်မပြေလို့ ခေါင်းဖြီးတဲ့အခါ အရင်ထက် ဆံပင်တွေ ကျွတ်တာမျိုး၊ ခေါင်းလျှော်ရည် ပြောင်းသုံးထားလို့ မဟုတ်ပဲ ဆံပင်တွေ သိသိသာသာ ကျွတ်တာမျိုးဆိုရင်လည်း ကိုယ့်ကိုယ်ကိုယ် ငါစိတ်ဖိစီးမှုတွေ အရမ်းများနေပါလားလို့ တွေးပြီး အတတ်နိုင်ဆုံး ဒါတွေ ဖြေလျှော့နိုင်အောင် ကြိုးစားပါ။
၃။ဝက်ခြံပေါက်တာ
ဦးရေပြားလိုပဲ အသားအရေကလည်း စိတ်ဖိစီးမှုနဲ့ သက်ဆိုင်နေပါတယ်။ ၀က်ခြံတွေ ထွက်နေကျမဟုတ်ဘဲ မျက်နှာမှာ နှစ်ဖု သုံးဖု ထွက်လာပြီဆိုရင်တော့ ကိုယ့်ကိုယ်ကိုယ် ပြန်သုံးသပ်ရမယ့် အခြေအနေရောက်နေပြီပေါ့။
၎။ကျောရိုးတွေအောင့်တာ
အထိုင်များလို့ ခါးနာတာမျိုး မဟုတ်ဘဲ ကျောရိုးတွေအောင့်တာ၊ ခါးနားသလိုလိုဖြစ်နေပြီဆိုရင် ဒါဟာလည်း စိတ်ဖိစီးမှုဖြစ်နေပြီဆိုတဲ့ သင်္ကေတပါပဲ။
၅။အသားအရေပေါ်မှာ အနီစက်တွေ ပေါ်လာတာ
Allergic ဖြစ်တာမျိုး မဟုတ်ပဲ အသားအရေပေါ်မှာ အကွက်လေးတွ ၊ အနီစက်လေးတွေ ပေါ်လာပြီဆိုရင်တော့ ဒါဟာ သင့်ရဲ့စိတ်ဖိစီးမှုအတိုင်းအတာတစ်ခုကြောင့်ပါ။ ဆရာဝန်နဲ့ ဆွေးနွေးတိုင်ပင်သင့် တိုင်ပင်ပါ။
Credit: trend Myanmar
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
