ကံကောင်းထောက်မစွာပဲ ဆရာဝန်တွေနဲ့ ဆေးလိပ်သောက်သုံးမှုဆန့် ကျင်ရေးအဖွဲ့ အစည်းတွေက အခုလို လွယ်ကူသက်သာတဲ့ နည်းလမ်း ခုနစ်သွယ်ကို ဆေးလိပ်ဖြတ်ချင်သူ၊ ဆေးလိပ်သောက်သုံးမှုလျော့ချချင်သူ တွေအတွက် အကြံပြုပေးခဲ့ပါတယ်။
၁။ ချောကလက်အနက် ကို စားကြည့်ပါ
ချောကလက်အနက် ရဲ့ အရသာက ဆေးလိပ်သောက်တဲ့အခါရတဲ့ ခံစားမှုအရသာနဲ့ တူပါတယ်။ ဆေးလိပ် သောက်သူတွေဟာ စိတ်ဖိစီးမှုကြောင့် ဆေးလိပ်သောက်ရတာလို့ အကြောင်းပြချက်ပေးလေ့ရှိပါတယ်။ ချောကလက် အနက်ဟာ ဦးနှောက်တွင်း ဆီရိုတိုနင် (Serotonin) ပမာဏကို သဘာဝနည်းကျကျ မြှင့်တင်ပေးပြီး စိတ်ကို လန်းဆန်းစေကာ ၊ စိတ်ဖိစီးမှုကို လျော့ချပေးပါတယ်။
၂။ အပေ့ါစားလေ့ကျင့်ခန်းတွေ လုပ်ပါ။
တကယ်လို့ ဆေးလိပ်ဖြတ်ထားတဲ့အချိန်မှာ သောက်ချင်လာပြီဆိုပါစို့ ။ ဆယ်မိနစ်လောက် လမ်းလျှောက်ကြည့်လိုက်ပါ။ တကယ်လို့ အချိန်မရှိဘူးဆိုရင် Jumping Jacks ( မတ်တပ်ရပ်အနေအထားမှ လက်နှစ်ဖက်နဲ့ ခြေထောက်ကိုကားကာ ခုန်နည်း၊ လက်နှစ်ဖက်ကို ခေါင်းပေါ်မှာ လက်ခုပ်သံမြည်အောင် ရိုက်ပြီး ပြန်အကျမှာ မူလမတ်တပ်ရပ်အနေအထားတိုင်း ရှိပါ။) ဒါမှမဟုတ် နှလုံးခုန်နှုန်း မြှင့်တင်ပေးတဲ့ တခြားအပေါ့စားလေ့ကျင့်ခန်း လုပ်ပေးပါ။
၃။ ဆေးလိပ်သောက်မယ့်အစား ကျန်းမာရေးအကျိုးရှိမယ့်အရာတစ်ခု လုပ်ပါ။
ခန္ဓာကိုယ်ကနေ လိုအပ်နေတဲ့ဓာတ်တစ်ခု၊ ဒါမှမဟုတ် အလေ့အကျင့်တစ်ခုကို ဖြတ်ပစ်မယ်ဆိုရင် စိတ်ဖိစီးမှု၊ စိတ်အလိုမကျဖြစ်မှုတွေ ခံစားတတ်ပါတယ်။ ဒါကြောင့် ဒီလိုအချိန်မှာ တခြားအစားထိုးနိုင်မယ့် နည်းလမ်းတစ်ခုကို စဉ်းစားထားပါ။ ယောဂလေ့ကျင့်ခန်း၊ ကာရာတေး၊ ဒါမှမဟုတ် တရားထိုင်တာ ဒါမှမဟုတ် တခြား ကိုယ်လက်လှုပ်ရှားမှုပြုလုပ်ခြင်းက အကောင်းဆုံးဖြစ်ပါလိမ့်မယ်။
၎။ အသက်ပြင်းပြင်းရှူပါ။
ဒါက နည်းနည်းတော့ ယုတ္တိမတန်ဘူးထင်ပါလိမ့်မယ်။ ဒါပေမယ့် အသက်ရှူသွင်း မှုကို ပြင်းပြင်း သုံးကြိမ်လောက်ပဲ လုပ်ခြင်းက ဆေးလိပ်သောက်ချင်စိတ်ကို ခုခံနိုင်ပါလိမ့်မယ်။
၅။ လက်နဲ့ ပါးစပ်တို့ နေရာမှာ အစားထိုးပစ္စည်းတစ်ခုအသုံးချပါ။
ပုံမှန်ဆေးလိပ်သောက်နေကျလူတစ်ယောက်အဖို့ ဆေးလိပ်သောက်ချိန်တွေမှာ လက်မှာ တစ်ခုခု လိုနေတာမျိုး၊ ပါးစပ်ထဲမှာ တစ်ခုခုလိုနေတာမျိုး ခံစားရတတ်ပါတယ်။ ဒါကြောင့် စီးကရက်နေရာမှာ ပီကေ၀ါးတာဖြစ်ဖြစ်၊ သကြားလုံးစားတာဖြစ်ဖြစ် နဲ့ အစားထိုးပေးပါ။
၆။ အရက်ကို ရှောင်ပါ။
အယ်လ်ကိုဟော ပါဝင်တဲ့ ဖျော်ရည်ယမကာတွေကတော့ ဆေးလိပ်သောက်ချင်စိတ်ကို ပိုမိုဖြစ်ပေါ်စေပါတယ်။ ဆေးလိပ်ဖြတ်တုန်းမှာ တတ်နိုင်သမျှ ရှောင်ပါ။
၇။ ဆေးလိပ်မသောက်တဲ့လူတွေနဲ့ ပဲ ပေါင်းပါ။
ဆေးလိပ်သောက်တဲ့မိတ်ဆွေတွေနဲ့ နေရင် ဆေးလိပ်ဖြတ်ဖို့ ခဲယဉ်းပါတယ်။ ဒါကြောင့် ဆေးလိပ်သောက်တဲ့ မိတ်ဆွေတွေနဲ့ ခဏလောက် ရှောင်နေပါ။ ပါတီလိုနေရာမျိုးတွေကိုလည်း ရှောင်သင့်ပါတယ်။
အရေးကြီးဆုံးအချက်ကတော့ သင်ကိုယ်တိုင်ပဲဖြစ်ပါတယ်။ ဆေးလိပ်သောက်ခြင်းဟာ ကင်ဆာ၊ နှလုံးရောဂါ၊ သွေးတိုး၊ အဆုတ်ရောဂါ၊ ဆီးချိုရောဂါတို့ ကို ဖြစ်စေနိုင်ပါတယ်။ ကမ္ဘာတစ်ဝှမ်းလုံးမှာ ဆေးလိပ်သောက်သုံးမှု ကြောင့် ဆက်စပ်ရောဂါတွေနဲ့ သေဆုံးမှုဟာ တစ်နှစ်ကို လူဦးရေ ငါးသန်းရှိပါတယ်။ ၂၀၃၀ ခုနှစ်ရောက်ရင် ဆေးလိပ်သောက်သုံးမှုကြောင့် တစ်နှစ်ကို လူဦးရေ ရှစ်သန်းလောက် သေဆုံးလိမ့်မယ်လို့ ခန့်  မှန်းထားပါတယ်။ မိတ်ဆွေလည်း ဆေးလိပ်ဖြတ်ဖို့ ကြိုးစားနေသူတစ်ယောက်ဆိုရင် ဒီအချက်တွေကို လိုက်နာကြည့်ပါ။
Credit: Trend Myanmar
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
