အနုပညာလောကနဲ့ ၂နှစ်ကြာလောက်ထိ အဆက်အသွယ်ပြတ်နေခဲ့ပြီး ခုကျမှ ဇာတ်ကားတစ်ချို့မှာ ပြန်လည်တွေ့လာရတဲ့ သရုပ်ဆောင် သားညီကို ရှုတင်တစ်ခုမှာတွေ့ဆုံခိုက် သိချင်တာလေးတွေ မေးမြန်းဖြစ်တဲ့အခါ “ခုရိုက်နေတဲ့ အိုလေတစ္ဆေ ကားလေးထဲမှာ ကျွန်တော်က ကြံစည်လိုက်တိုင်း လွဲတဲ့ ၊ အကြံဥာဏ်ပေးလိုက်တိုင်းလွဲတဲ့ ဖိုးကြံဆိုတဲ့ နေတိုးရဲ့ သူငယ်ချင်း နေရာကနေ သရုပ်ဆောင်ထားပါတယ်။ အဓိကကြားထဲမှာ ပရိသတ်နဲ့ အဆက်အသွယ်ပြတ်သွားတာက ကိုသားကြီး ဆုံးသွားပြီးကတည်းက ၂ နှစ်လောက် ဟသွားတယ်။
၂၀၁၂၊၁၃၊ ၁၄ မှာမှ ကားတော်တော်ပြန်ရိုက်ဖြစ်တယ်။ နောက်ပိုင်းကားတွေ ပြန်စိပ်လာတယ်။ ကျွန်တော် ခုပြန်ရိုက်တဲ့ချိန်မှာ လာငှားတဲ့ ဇာတ်ပုံစံရော၊ ကျွန်တော် အားသာတာရောက ဗီလိန်တွေများတယ်။ အဲ့ဒါကြောင့် ဗီလိန်တွေ ရိုက်ဖြစ်တယ်။ ခုလို သူငယ်ချင်းကားက နည်းတယ်ပေါ့နော်။ ခုနောက်ပိုင်းမှာ ကိုသားကြီး ရှိစဉ်တုန်းကလို ဟိုကာရိုက်တာမှ ရိုက်မယ်။ ဒီကာရိုက်တာမှ ရိုက်မယ်ဆိုပြီးတော့ မရှိတော့ဘူးပေါ့နော်။ ရှုတင်မန်နေဂျာတွေကလဲ ကိုယ်နဲ့ အဆင်ပြေမယ်ဆိုရင် ဖုန်းဆက်ပေးတယ်။ ၂ နှစ်အတွင်းမှာ ဘာမှမလုပ်ဘူး။ ထိုင်စားတယ်။ ကားလဲရိုက်လို့မရဘူး။ ရိုက်မယ်ဆို ကင်မရာတည်တာနဲ့ကျွန်တော်ငိုတာပဲ။ အလုပ်ပေါ်လဲ စိတ်မပါဘူး။ ဘာလို့လဲဆိုတော့ ဒီအုပ်စုကြီးက တောက်လျှောက် အလုပ်လုပ်လာတဲ့ အခါကျတော့လေ။ ဖြစ်နိုင်ရင် ကျွန်တော်က ရိုက်ကိုမရိုက်ချင်တာ။ ဒါပေမဲ့ စီးပွားရေးကလဲ ဒီတစ်ခုပဲ လုပ်တတ်တာဆိုတော့ မရိုက်ရင်ငတ်တော့မှာဆိုတော့ ပြန်ရိုက်ရတာပေါ့နော်။ ခုပြန်ရိုက်တဲ့အချိန်မှာတော့ တရားသဘောပေါ့ဗျာ။ ကြာတော့လဲ မေ့သွားတာပေါ့။ ခံနိုင်ရည်ရှိလာတာပေါ့။” လို့ သူက ပြောပါတယ်။
အရင်တုန်းက ရိုက်ခဲ့ရတဲ့ပုံစံနဲ့ ခုနောက်ပိုင်း ကားရိုက်တွေနဲ့ ပတ်သက်ပြီးဘာတွေ ပြောင်းလဲသွားသလဲဆိုတဲ့ စိတ်ခံစားမှုကိုတော့ သူက “ကျွန်တော် ခုပြန်ရိုက်တဲ့ချိန်မှာ အရင်ကလောက် ပျော်ဖို့မကောင်းတော့ဘူး။ အရင်ကဆို ကျွန်တော်တို့ ရိုက်ရတာပျော်ဖို့ ကောင်းတယ်။ ခုဆိုတစ်မျိုးပဲ။ ပြောင်းလဲလာတဲ့အရာတွေနဲ့တော့ ဆိုင်နေမလားမသိဘူး။ အရင်က ကျွန်တော်တို့တစ်ကားကို ၁၄ ရက် ၁၅ ရက်ရိုက်ကြတယ်။ ခု ကျွန်တော်တို့ ၅ရက်လောက်နဲ့ တစ်ကားကို မပြီးပြီးအောင်ရိုက်နေရတယ်။ မနက်ဖြန် ရိုက်မဲ့ဇာတ်ကို ဒီနေ့ညမှ သိရတယ်။ အရင်ကလောက်တော့ ပျော်ဖို့မကောင်းတော့ဘူး။ ဒါပေမဲ့ ရိုက်နေရတာပါပဲ”တဲ့။
Credit: Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
