ငွေကျပ်နှစ်သောင်းခွဲမှ အမြင့်ဆုံးဈေး ငွေကျပ်ကိုးသိန်းအထိ သတ်မှတ်လိုက်ပြီဖြစ်တဲ့ 2NE1 ဖျော်ဖြေရေးလက်မှတ်

2NE1 in Myanmar Galaxy Stage ဖျော်ဖြေပွဲလက်မှတ်တွေကို အနည်းဆုံး ငွေကျပ်နှစ်သောင်းခွဲမှ အမြင့်ဆုံး ကျပ်ကိုးသိန်းအထိ သတ်မှတ်ထားတယ်လို့ သိရပါတယ်။ 2NE1  Silver Standing ဆိုရင် ကျပ်နှစ်သောင်းခွဲ၊ Gold Standing ဆိုရင် ကျပ်လေးသောင်း၊ Diamond Package ကတော့ ကျပ်နှစ်သိန်းခွဲဖြစ်ပြီးတော့ VIP လက်မှတ်ဈေးနှုန်းတွေကိုတော့ ကျပ်ခုနှစ်သိန်း၊ VVIP လက်မှတ်မှာ ကျပ်ကိုးသိန်းဆိုပြီး သတ်မှတ်ထားပါတယ်။ VVIP လက်မှတ်ဝယ်ယူသူတွေကတော့ ဖျော်ဖြေပွဲ အပြီးမှာ ပြုလုပ်မယ့်  After Party Programme ပွဲသို့ တက်ရောက်ခွင့်ရမယ့်သူတွေပဲ ဖြစ်ပါတယ်။

“VIPနှင့် VVIP လက်မှတ်အရေအတွက်တွေကိုတော့  အကန့်အသတ်ထားရှိပါတယ်။ ကျန်တဲ့ လက်မှတ်တွေကိုတော့ ကန့်သတ်ထားတာ မရှိပါဘူး။ 2NE1 ရဲ့ဖျော်ဖြေရေး လက်မှတ်တွေကို ဇူလိုင်၂၁ရက်နေ့မှာ စတင် ရောင်းချသွားမှာပါ။ လက်မှတ်ဈေးနှုန်းတွေကတော့ အမျိုးမျိုး သတ်မှတ်ထားပါတယ်။ 2NE1 အဖွဲ့ဖျော်ဖြေပွဲ လက်မှတ်တွေကို Booking စနစ်နဲ့ မှာယူရမှာဖြစ်ပြီး လက်မှတ်တွေကို ဖျော်ဖြေပွဲမပြုလုပ်မီ နှစ်ရက်အလိုမှသာ ထုတ်ပေးသွားမှာ ဖြစ်ပါတယ်”လို့ 2NE1 ဖျော်ဖြေပွဲအား စီစဉ်လုပ်ဆောင်နေတဲ့ Living Sound Entertainment က တာဝန်ရှိသူတစ်ဦး က ဆိုပါတယ်။

ဒါ့အပြင်သူကထပ်ပြီး “2NE1 အဖွဲ့ရဲ့ဖျော်ဖြေပွဲမှာ မြန်မာလူငယ်အနုပညာရှင် အချို့လည်း ပါဝင်ဖျော်ဖြေခွင့်ရမှာဖြစ်ပါတယ်။ ဖျော်ဖြေပွဲရဲ့အဖွင့်ဖျော်ဖြေရေးမှာ ပါဝင်မယ့် အနုပညာရှင်တွေကိုတော့ ရွေးချယ်နေဆဲဖြစ်လို့ ရွေးချယ်ပြီးသွားတော့မှပဲ ထပ်ပြီး အသိပေး ကြေညာသွားပါ့မယ်။  2NE1 အဖွဲ့ဟာ မြန်မာနိုင်ငံကို သြဂုတ်လ ၁ရက်နေ့မှာ ရောက်ရှိမှာဖြစ်ပြီး မီဒီယာတွေနဲ့လည်း တွေ့ဆုံပွဲပြုလုပ်ဖို့ စီစဉ်ထားပါ သေးတယ်”တဲ့။

Credit : Trend Myanmar

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...