လန်ဒန်မြို့မှာနေထိုင်တဲ့ Clarie Louise Leeson ဟာ Kardashian ရဲ့ ၂၀၀၉ ခုနှစ် ‘Keeping Up With The Kardashians” ကိုကြည့်ပြီးနောက်ပိုင်း Kardashian ကိုအလွန်အမင်း စွဲလမ်းခဲ့တာဖြစ်ပါတယ်။
‘သူမကအရမ်းလှပြီး ကျွန်မသူမလိုဖြစ်ချင်တယ်လို့ တွေးမိပါတယ်’ လို့ ITV ရဲ့ This Morning အစီအစဉ်မှာပြောပါတယ်။ ပြီးတော့ သူမဆယ်ကျော်သက်တုန်းက အနိုင်ကျင့်ခံရကြောင်းပြောပါတယ်။ ‘ကျွန်မက အသက်ရှင်နေသမျှထဲမှာ ရုပ်အဆိုးဆုံးအရာနဲ့ ကျွန်မကိုယ့်ကို ကိုယ်သတ်သေသင့်တယ်လို့ နေ့တိုင်း ကျွန်မကိုပြောတာခံခဲ့ရပါတယ်’ လို့ Clarie ကပြောပါတယ်။
အခုထိတော့ Clarie ဟာ ရင်သားပစ္စည်းထည့်သွင်းမှုအတွက် ဒေါ်လာ ၈၅၀၀ နဲ့ သွားသန့်စင်မှု၊ နေလောင်အသားအရေရဖို့ sparay ဖြန်းခြင်းနဲ့ အ၀တ်အစားတွေအတွက် ဒေါ်လာထောင်ပေါင်းများစွာ အကုန်အကျခံခဲ့ပြီးပါပြီ။ Kardashian နဲ့တစ်ထေရာတည်း တူဖို့ဆိုတဲ့ သူမရဲ့အိပ်မက်ကြောင့် လက်ရှိမှာ ကြွေးမြီ ဒေါ်လာ ၁၀၀၀၀ ကျော်ရှိနေပါတယ်။
ဒါပေမယ့် Kardashian ရဲ့ဖွံ့ထွားနေတဲ့ တင်ပါးတွေအပါအ၀င် သူမအနေနဲ့ဆက်လက်ပြီး လိမ်ညာရယူစရာ အပိုင်းတွေရှိပါသေးတယ်။ သူမပိုပြီးကြီးမားတဲ့ တင်ကြွက်သားတွေရဖို့ အားကစားရုံကိုသွားရပါတယ်။ ဒါပေမယ့် သူမက ဆီလီကွန်နဲ့ဖြည့်ထားတဲ့ အောက်ခံဘောင်းဘီကို ၀တ်ဆင်ရဦးမှာပဲဖြစ်ပါတယ်။ ‘ဘာဖြစ်လို့လဲဆိုတော့ ကျွန်မတင်ပါးက Kim ရဲ့တင်ပါးလောက် ဘယ်တော့မှကြီးလာမှာမဟုတ်လို့ပါ’ လို့သူကရှင်းပြပါတယ်။
‘ဒါမှားနိုင်တယ်။ ဒါပေမယ့်ကျွန်မဒါကိုလုပ်တဲ့အခါ ကျွန်မကရပ်တန့်လို့မရပါဘူး။ ဘယ်သူမကျွန်မကို ထိလို့မရပါဘူး’ လို့သူမကကြွေးကြော်ပါတယ်။
ဒီတော့ ဒီကိစ္စကို Kardashian ကိုယ်တိုင်ဘယ်လိုထင်လိမ့်မလဲ။ ကျွန်န်ုပ်တို့ ခန့်မှန်းလို့ပဲရမှာပါ။ ၂၀၁၀ တုန်းက သူမနဲ့ တူအောင်ခွဲစိတ်မဲ့ပရိတ်သတ်တစ်ယောက်ကိုတော့ Kim Kardashian က တားမြစ်ခဲ့ပါတယ်။ အဲဒီ့ပရိတ်သတ်က ‘ကျွန်မ Kim kardashian နဲ့တူအောင် နောက်တစ်ပါတ်မှာ ခေါင်းအစခြေအစုံး ပလပ်စတစ်ဆာဂျရီလုပ်ပါတော့မယ်။ ဒါမှ ကျွန်မယောင်္ကျားက ကျွန်မကိုမထားခဲ့မှာ။ သူကသူမ (Kardashian) ကို ကိုးကွယ်တာလေ’ လို့ twitter မှာ tweet လုပ်ခဲ့ပါတယ်။
‘ကျေးဇူးပြုပြီး မလုပ်ပါနဲ့။ ရှင့်ယောကျာ်းက ရှင့်ဘယ်သူလဲဆိုတာအတွက် ရှင့်ကိုချစ်သင့်တယ်။ အခြားသူတစ်ယောက်မဖြစ်ချင်ပါနဲ့။ ရှင်က အပေါ်ယံရော အတွင်းစိတ်ကပါ လှတယ်ဆိုတာ ကျွန်မသေချာပါတယ်။ ရှင်ကရှင့်လိုပဲနေပါ’ လို့ Kardashian ကတုန့်ပြန်ခဲ့ပါတယ်။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
