ဓာတ်မတည့်တာကို ဆန့်ကျင်ပေးတဲ့ စူပါအစားအစာတွေ

လူအများစုဟာ ပန်းဝတ်မှုန်၊ ဖုန်မှုန့်၊ မှိုမျိုးမှုန်၊ တိရစ္ဆာန်အမွေးအမှင်၊ ကြက်ပေါင်စေး၊ ရော်ဘာစေး၊ အစားအစာမျိုးစုံ၊ အင်းဆက်အဆိပ်ဆူး နဲ့ ဆေးဝါးအချို့ကြောင့် ဓာတ်မတည့်မှု အခြေအနေတွေ ကြုံတွေ့ရတတ် ပါတယ်။

ဓာတ်မတည့်မှုကြောင့် နှာခေါင်း၊ အဆုတ်၊ လည်ချောင်း၊ နား၊ အစာ အိမ်၊ အရေပြားစသည်တို့ကို ထိခိုက်ပြီး အကျိုးဆက်အနေနဲ့ နှာရည်ယို၊ နှာပိတ်၊ နှာစေး၊ယားယံခြင်း၊ မျက်ရည်ထွက်ခြင်း၊ မျက်စိနီခြင်း၊ အရေပြားတွင် အဖုအပိမ့်များ ထွက်ခြင်း၊ အသက်ရှူမ၀ခြင်း (သို့မဟုတ်) ရင် ကျပ်တာမျိုးတွေ ဖြစ်နိုင်ပါတယ်။ ဒါကြောင့် ဓာတ်မတည့်တာတွေရဲ့ ဖြေဆေးအစားအစာအချို့ကို ဖော်ပြပေးလိုက်ပါတယ်။

ပန်းသီးတွေက ကိုယ်ခံစွမ်းအား မြင့်စေပြီး ဓာတ်မတည့်တာတွေကို ခုခံ နိုင်စွမ်းရှိပါတယ်။ နနွင်းဆိုရင်လည်း ဓာတ်မတည့်မှုတွေအတွက် အစွမ်းထက်လက်နက်တစ်ခုပါပဲ။

ကြက်သွန်ဖြူတို့၊ ချင်းတို့ဆိုရင်လည်း ဓာတ်တိုးဆန့်ကျင် ဂုဏ် သတ္တိရှိပြီး ကိုယ်ခံစွမ်းအားကောင်းစေပါတယ်။ သဘာဝဆေးဝါးဖြစ်တာ ကြောင့် ဓာတ်မတည့်တာတွေအတွက် ဆေးကောင်းတစ်လက်ပါပဲ။

ရှောက်သီး၊ သံပရိုသီးတွေကလည်း ဗီတာမင်စီနဲ့ ဓာတ်တိုးဆန့် ကျင် ဂုဏ်သတ္တိရှိတာကြောင့် ဓာတ်မတည့်တာတွေကို အကောင်းဆုံး ကာကွယ်ပေးနိုင်ပါတယ်။

ဆယ်လ်မွန်ငါးဆိုရင်လည်း အိုမီဂါ ၃ ဖက်တီးအက်စစ် DHA, EPA တို့ပါဝင်တာကြောင့် ဓာတ်မတည့်ခြင်းကို အမြန်သက်သာစေနိုင်စွမ်း ရှိ ပါတယ်။ လက်ဖက်စိမ်းတို့၊ ကန်စွန်းဥတို့ဆိုရင်လည်း ကိုယ်ခံစွမ်းအား ကောင်းစေပြီး ဓာတ်မတည့်မှု အခြေအနေတွေကို ကာကွယ်နိုင်ပါတယ်။

Credit: 7Day Daily

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...