ဥတုသုံးပါးတွင် ဆောင်းဥတုသည် အအေးဓာတ်လွန်ကဲသည့် ရာသီဖြစ်သည်။ ဆောင်းရောက်လျှင် အဖြစ်များသည့်ရောဂါဝေဒနာများမှာအအေးပတ်ခြင်း၊ နှာစေချောင်းဆိုးခြင်း၊ နှုတ်ခမ်းများခြောက် သွေ့ခြင်း၊ နှုတ်ခမ်းကွဲခြင်း၊ အသားပပ်ခြင်း၊ ဆီးများခြင်းတို့ အဖြစ်များကြောင်း တွေ့ရသည်။
ဤလက္ခဏာများမှာ ရိုးရာဆေးပညာသဘာအရ အပြင်အေးပြီး အတွင်းပူသောကြောင့်ဖြစ်သည်။ အတွင်းမှအပူသည် အပြင်မှအအေးကြောင့် အကျဉ်းကျနေသည်ဟုလည်း ရှေးကတိုင်းရင်းမြန်မာဆေး ဆရာကြီးများက ဆိုကြသည်။
ခန္ဓာကိုယ်၏အပူချိန်ကို လျှော့ချသောစနစ်မှာ ချွေးထွက်ခြင်းဖြစ်သည်။ ဆောင်းဥတုတွင် အအေးပတ် သောကြောင့် ကိုယ်ခန္ဓာအရေပြားမှ မွှေးညှင်းပေါက်များ ပိတ်ဆို့ပြီးအခိုးငွေ့တို့ မထွက်နိုင်ကြပေ။ ထို အငွေ့တို့သည် အရေပြားအောက်တွင် ကိန်းအောင်းနေရာမှ သွေးကြောများအတွင်းသို့ ဆံချည်မျှင်ပြွန် ကလေးများမှတစ်ဆင့် ရောက်ရှိပြန်သည်။ ထိုမှတစ်ဆင့် ကိုယ်တွင်းအင်္ဂါအစုံသို့ ရောက်ရှိပြန်သည်။
အပူအခိုးအငွေ့များသည် ကိုယ်တွင်းအင်္ဂါများသို့ ရောက်ရှိခြင်းအကျိုးဆက်မှာ အစာအိမ်တွင် အပူငွေ့ များ ခိုအောင်းနေသောအခါ ရင်ပူခြင်း၊ မကြာခဏ ဆာလောင်ခြင်းဖြစ်သည်။ အသည်းတွင် အပူ ငွေ့များခိုအောင်းသောအခါ သည်းခြေရည်ပိုထွက်ခြင်းကြောင့် မကြာခဏရင်ပူ၊ ရေငတ်ခြင်းဖြစ်ရ သည်။ ကျောက်ကပ်များတွင် အပူအောင်းသောအခါ မကြာခဏဆီးသွားခြင်းနှင့် ဆီးမသွားပဲအောင့် ထားလျှင် ဆီးပူခြင်း၊ ဆီးကျင်ခြင်း၊ ဆီးဝါခြင်း၊ ဆီးနီခြင်းတို့ ဖြစ်တတ်သည်။ နှလုံးတွင် အပူငုပ်သောအ ခါနှလုံးအောင့်ခြင်း၊ ရင်တုန်ခြင်း၊ နှလုံးခုန်ကြိမ်များခြင်း၊ သွေးတိုးခြင်း၊ အိပ်မပျော်ခြင်းတို့ ဖြစ်နိုင်သည်။
ကျန်းမာရေးအလွန်ကောင်းသော လူငယ်များတွင်ပင် ဆောင်းရောက်သောအခါ နှုတ်ခမ်းများကွဲအက် ခြင်းတွေ့ရသည်။ ထိုသို့ဖြစ်ရခြင်းမှာ အစာအိမ်တွင် အောင်းနေသောအပူမှာ အထက်သို့ကန်ထွက် လာသဖြင့် လည်ချောင်းမှတစ်ဆင့် အာခေါင်နှုတ်ခမ်းများသို့ရောက်ရှိပြီး လေပူ၏သဘောအရ ခြောက် သွေ့အက်ကွဲခြင်းများ ဖြစ်ရခြင်းဖြစ်သည်။ ဆောင်းတွင် ရေခဲရေ၊ အချိုရည်သောက်သူများတွင် ပို၍ နှုတ်ခမ်းအက်ကွဲလေ့ရှိသည်။ ရေနွေးကြမ်းသောက်သူများမှာ အကွဲသက်သာသည်ကို တွေ့ရသည်။
ဆောင်းရာသီတွင် အစာအိမ်တွင် အပူများ၍နှုတ်ခမ်းကွဲ၊ အာခေါင်ခြောက်ဖြစ်သူများသည် ညအိပ်ရာ ဝင်ချိန်တွင် ရေကျက်အေးသောက်သင့်သည်။ ဖြစ်နိုင်လျှင် ညအိပ်ရာဝင်ချိန်ရော နံနက်အိပ်ရာထချိန် ပါနှစ်ကြိမ်ရေကျက်အေးသောက်လျှင် အသားအရေခြောက်ခြင်း၊ အက်ကွဲခြင်းများကိုပါ ကာကွယ်နိုင် ပေသည်။ ရေကျက်အေးပြုလုပ်ရန်နည်းလမ်းမှာ ရေကိုကျိုချက်ပြီးနောက် အအေးခံထားပြီးအေးသော အခါ ဖန်ပုလင်း သို့မဟုတ် ရေတကောင်းတွင်ထည့်ပြီး သောက်နိုင်သည်။ ရေကျက်အေးကို ပလပ်စ တစ်သောက်ရေသန့်ဘူးတွင် မထည့်ပါနှင့်။ ဖန်ပုလင်းမရှိလျှင် အိမ်သုံးမြေသောက်ရေအိုးတွင် ထည့်၍ သောက်ပါ။ မြေဖြင့်ပြုလုပ်ထားသည့် ရေတကောင်းတွင်ထည့်လျှင် သဘာဝအအေးဓာတ်ကို ပို၍ပင် ရရှိနိုင်ပါသည်။
ရေကျက်အေးကိုသောက်ခြင်းဖြင့် လူကိုကျန်းမာစေနိုင်ကြောင်း ယောမင်းကြီးဦးဖိုးလှိုင်ရေးသားသည့် ဥတုဘောဇနသင်္ဂဟကျမ်းတွင် ပါရှိပါသည်။ သဘာဝမြစ်ရေ၊ ချောင်းရေ၊ ကန်ရေများကိုပင် သန့်စင်စေ ရန်အတွက် အနည်ထိုင်အောင်ထားပြီးနောက် ပို၍သန့်စင်စေရန် ကျက်အောင်ကျိုချက်ရသည်။ ထို့ နောက် အအေးခံသောရေကျက်အေးကိုသောက်ခြင်းဖြင့် ပိုးမွှားကင်းစင်သော အကျိုးရှိပြီးဝမ်းပျက်ခြင်း ဝမ်းဖောဝမ်းရောင်ဖြစ်ခြင်းများပါ ကာကွယ်နိုင်ကြောင်း ရေးသားထားသည်ကိုတွေ့ရသည်။
စာရေးသူ မိတ်ဆွေတစ်ဦး၏အိမ်တွင် ရေကျက်အေးတစ်မျိုးတည်းကိုသာ တစ်နှစ်လုံး၊ ဥတုသုံးပါးလုံး သောက်သည်။ မည်သည့်သောက်ရေသန့်ကိုမျှ ဝယ်မသောက်ဘူးပါ။ သူတို့မိသားစုအားလုံး ရောဂါ ကြီးကြီး မဖြစ်၊ ကျန်းမာကြသည်ဟုဆိုသည်။ သူတို့ရေကျက်အေးပြုလုပ်ပုံမှာ ဒန်အိုးကြီးတွင် ရေပေး ဝေရေးပိုက်မှလာသေ ရေကိုထည့်ပြီး ကျိုသည်။ ပွက်ပွက်ဆူသည်အထိ ကျိုချက်ပြီးနောက် မီးဖိုမှချ၍ အအေးခံထားသည်။ ထိုအအေးခံထားပြီးသောရေကိုမှ သောက်ရေစစ်ဖြင့် သောက်ရေအိုး၊ မြေအိုးအ တွင်းသို့ထည့်ပြီးသောက်သည်ဟု ဆိုပါသည်။ ကျိုချက်ထားသောရေသည် မြေအိုးအတွင်းသို့ရောက် သောအခါ သဘာဝအတိုင်း အေးသောရေအဖြစ်သို့ ရောက်ရှိသွားပြီးသောက်၍ကောင်းသည်။ အ ရောင်အဆင်း၊ အနံ့၊ အရသာမရှိသော သဘာဝသောက်ရေသန့် ဖြစ်သွားသည်ဟုဆိုသည်။
သန့်ရှင်းသောရေသည် အရောင်အဆင်း၊ အနံ့၊ အရသာမရှိသောရေ ဖြစ်ရမည်ဟု သိပ္ပံပညာရှင်များက ဆိုသည်။ တွင်းရေကန်ရေများတွင် အပြာရောင်၊ အဝါရောင် စသောအရောင်များပါရှိပြီး အရသာအား ဖြင့် အငန်ဓာတ်၊ အချဉ်ဓာတ်များပါဝင်နေသောကြောင့် ရေသန့်မဖြစ်ပေ။ သောက်သုံးရန် စိတ်မချရ ပေ။ စက်များဖြင့် သန့်အောင်ပြုလုပ်သော ရေသန့်များတွင်လည်း ဓာတုဗေဒဆေးများခတ်ထည့်၍ ပြု ပြင်ထားခြင်း၊ ပူလိုက်၊ အေးလိုက်ဖြစ်ခဲ့လျှင် ကင်ဆာရောဂါပင်ဖြစ်နိုင်သည်။ ပလပ်စတစ်ဘူးမှကော် များသည် လှုပ်ခါမှုအကြိမ်များလျှင် ရေတွင်ပျော်ဝင်နိုင်သဖြင့် ကားဖြင့်သယ်ယူသော ရေသန့်ဘူးများ သည် စိတ်မချရဟုဆိုသည်။
ရှေးကလူကြီးများသည် ကြေးဖလားဖြင့်သောက်လေ့ရှိကြသည်။ ကြေးဖလားဖြင့် သောက်ရမည့်ရေ ပမာဏကိုတင်ပြရလျှင် နွေမှာနှစ်ဖလား၊ ဆောင်းမှာသုံးဖလားဟု အဆိုရှိသည်။ နှစ်ဖလားဆိုလျှင် သောက်ရေသန့် တစ်ဘူးခန့်နှင့် သုံးဖလားဆိုလျှင် သောက်ရေသန့်တစ်ဘူးခွဲခန့်ပမာဏရှိသည်။ ကြေး နီ၊ ကြေးဝါ အသုံးအဆောင်များသည် ဗက်တီးရီးယားပိုးများကို သေစေသည်ဟု သိပ္ပံပညာရှင်များက လွန်ခဲ့သောနှစ်အနည်းငယ်က သုတေသနပြုတွေ့ရှိခဲ့သည်။ ဆောင်းရာသီတွင် အေးသဖြင့်ရေ သောက်နည်းကြသည်။ နွေရာသီမှာ သောက်သလောက် ဆောင်းရာသီမှာ ရေမသောက်ဖြစ်ကြ။ လူ၏ ဝမ်းအတွင်းမှ အပူသည်နွေရာသီထက် ဆောင်းရာသီမှာ ပိုများသည်။ ချွေးမထွက်ရသဖြင့် ဖြစ်သည်။ အေးနေသောအပူကို ပြေပျောက်စေရန် ရေကိုများများပိုသောက်သင့်သည်။ ရေများများသောက်မှသာ ဝမ်းတွင်းမှအပူဓာတ်သည် ဆီးအဖြစ်ပြင်ပသို့ထွက်သွားမည်ဖြစ်ပေသည်။
ရှောက်သီး၊ သံပရာသီး၊ ပန်းသီး၊ စပျစ်သီးစသော အသီးများသည် ဆောင်းရာသီတွင် အလွန်ဝါသည်။ အသီးလည်းကြီးထွားသည်။ ထိုအရည်ရွှမ်းသောအသီးများသည် ဆောင်းဥတုဓာတ်စာပင်ဖြစ်သည်။ မုန်ညှင်း၊ မုံလာ၊ ဂေါ်ဖီထုပ်၊ ဂေါ်ဖီပန်းပွင့်၊ ဆလပ်ရွက်၊ ကိုက်လန်ရွက်၊ ကန်စွန်းရွက် စသည့်အရွက် များကိုလည်း စားပေးသင့်သည်။ အရွက်များတွင်လည်း ရေဓာတ်များစွာပါဝင်သည်။ ဝမ်းတွင်းမှအပူ ကို ငြိမ်းစေနိုင်သည်။ ဟင်းချက်ရာတွင်လည်း ဆီပြန်ဟင်းများထက် အရည်သောက်ဟင်းများကို ပို၍ချက်သင့်သည်။ ကန်စွန်းရွက်ကို မန်ကျည်းမှည့်ရည်နှင့်ချက်သော ချဉ်ရည်ဟင်းသည် ဆောင်းဥတု နှင့်သင့်လျော်သော ဓာတ်စာဖြစ်သည်။
ခေတ်ပေါ်သောက်ရေသန့်ဘူးများကို အလွယ်တကူ ဝယ်ယူသုံးစွဲခြင်းအစား ရေကိုကျိုချက်ပြီး သုံးစွဲ ခြင်းဖြင့်ငွေကို ချွေတာရာရောက်သည်။ ကျန်းမာရေးအတွက်လည်း ပို၍သင့်လျော်သည်။ ဘုန်ကြီး ကျောင်းများ၊ စာဝါချပေးနေသည့် စာသင်တိုက်ကြီးများတွင် သောက်ရေအိုးများတွင် ကုသိုလ်ဖြစ်ရေ ဖြည့်ပေးကြရာတွင် တွင်းရေကန်ရေများ ဖြည့်မည့်အစား ရေကိုကျိုချက်ပြီးရေကျက်အေးပြုလုပ်၍ ထည့်ပေးခြင်းဖြင့် လည်ချောင်းနာခြင်း၊ ချောင်းဆိုးခြင်း၊ အသံဝင်ခြင်း၊ အထက်သို့အပူကန်ခြင်းများပါ သက်သာစေနိုင်ပါသည်။
ရေသောက်သောအခါ ပါးစပ်ခံတွင်းမှတစ်ဆင့် အစာအိမ်သို့၊ အစာအိမ်မှ အူသိမ်၊ အူမကြီးများအထိ ရောက်ရှိသွားသည်။ သွေးကြောများက ရေကိုစုပ်ယူကြသည်။ သွေးကြောများတွင် ပါသောရေသည် ခန္ဓာကိုယ်အနှံ့အပြားသို့ ရောက်သည်။ လူ၏ခန္ဓာကိုယ်သည် အာပေါဓာတ်ဟူသောရေဓာတ်ဖြင့်တည် ဆောက်ထားသည်။ ရေဓာတ်ခန်းခြောက်လျှင် ခန္ဓာကိုယ်ပျက်စီးနိုင်ပေသည်။ ရေကြည်ရေကောင်း ရေသန့်လိုအပ်သောခန္ဓာကိုယ်အတွက် သန့်ရှင်းသောရေကို ရရှိဖို့လိုအပ်သည်။ ရေမသန့်လျှင်ရောဂါ ဘယအမျိုးမျိုး ဝင်ရောက်လာနိုင်သည်။ လွယ်ကူသောရေသန့်နည်းမှာ ရေကိုကျိုချက်၍သောက်ခြင်း ပင်ဖြစ်သည်။
ဆောင်းဥတုတွင် ကျန်းမာရေးကောင်းလိုသူတိုင်းသည် ရေကိုကျိုချက်၍သောက်ခြင်းဖြင့် အပူကန်ခြင်း၊ အပူငုပ်ခြင်း၊ လည်ချောင်းနာခြင်း၊ အသံဝင်ခြင်း၊ လျှာကွဲခြင်း၊ အာခေါင်ကွဲခြင်း၊ သွားနာခြင်း၊ သွားဖုံး ကြွခြင်း၊ အာသီးရောင်ခြင်း စသောဒုက္ခများမှ ကင်းဝေစေနိုင်သည်။ ပိုးမွှားလည်းကင်းစင်၊ ဘေးဥပဒ် လည်းကင်းစင်သော ရေကျက်အေးသောက်ခြင်းဖြင့် ကျန်းမာပါစေကြောင်း ဆုတောင်းရင်း တင်ပြ လိုက်ရပေသည်။ ။
Credit : Maukkha Education
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
