အလှအပအတွက် တစ်မူထူးတဲ့ အချက်တွေ စမ်းကြည့်ချင်သလား

ဘေးထွက်ဆိုးကျိုးလည်း မရှိ၊ အသစ်အဆန်းလည်းဖြစ်တဲ့ အလှအပအတွက် အကျိုးပြုပေးမယ့်အလေ့အထလေးတွေကို မျှဝေပေးလိုက်ပါတယ်။ တချို့အချက် တွေကသိပြီးသားဖြစ်လောက်ပေမယ့် လက်တွေ့လုပ်ဆောင်ကြည့်ဖို့တော့လိုပါလိမ့်မယ်။

ရယ်မောခြင်း - ရယ်မောခြင်းဟာ အကောင်းဆုံးဆေးလို့ဆိုထားတဲ့အတိုင်း စိတ်လွတ်ကိုယ်လွတ်ရယ်မောတဲ့ခါ စိတ်ရွှင်လန်းပေါ့ပါးပြီး ပါးတွေနှင်းဆီရောင်၊ ပန်းနုရောင်သမ်းလာပြီး အရေပြားအတွက်လည်း    ကောင်းကျိုးပြုပါ တယ်။

ခေါင်းလျှော်ရည်မသုံးခြင်း- ခေါင်းလျှော်ရည်တွေက ဆံသားတွေကိုခြောက်ပြီးကြွပ်ဆတ်စေ တာကြောင့် ခေါင်းလျှော်ရည်သုံးမယ့်အစား ဆံပင် ပျော့ဆေးလေးနဲ့ပဲ ခေါင်းလျှော်တာမျိုးလုပ်သင့်ပါတယ်။

မျက်တောင်ကိုပေါင်ဒါသုတ်ခြင်း - မျက်တောင်ကော့ဆေးသုံးပြီးတာနဲ့ မျက်တောင်ကိုပေါင်ဒါအနည်းငယ်ဖို့လိုက်ခြင်းဖြင့် မျက်တောင်ပုံမကျတာကိုကာကွယ်နိုင်ပါတယ်။

ဗီတာမင်သောက်ခြင်း - အာဟာရဓာတ်တွေဟာ ခန္ဓာကိုယ် အတွက်သာမက အရေပြားအတွက်လည်းလိုအပ်တာကြောင့်ဗီတာမင်ဘီ၂၊ အီး၊ စီ၊ ဒီ၊ အေတို့ကို စိတ်ဖိစီးမှု၊ အရေပြားပျက်စီးမှု၊ ညစ်ညမ်းမှုတွေက ကာကွယ်နိုင်အောင်သောက်သုံးသင့် ပါတယ်။

ကော်ဖီမှုန့်အနှစ်ဖြင့် ခန္ဓာကိုယ်ကို ပွတ်ခြင်း - ကော်ဖီမှုန့်နဲ့ချေးချွတ်တာမျိုးလုပ်ပေးရင် အရေပြားကျန်းမာပြီး အသားအရေ ကြည်စင်ဝင်းပစေတာကြောင့် စမ်းသပ်ကြည့်သင့်ပါတယ်။ သဘာဝကော်ဖီမှုန့်နဲ့ အညိုရောင်သကြား လက်ဖက်ရည် ပန်းကန်လုံးတစ်ဝက်စီကို အုန်းဆီအနည်းငယ်၊ သစ်ကြံပိုး ခေါက်မှုန့်အနည်းငယ် ရောစပ်ပြီး လုပ်ဆောင်နိုင်ပါတယ်။

Credit : 7day Daily

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...