လူတစ်ယောက်ကို ချစ်သူအဖြစ်တွဲဖို့ဆိုတဲ့ အရာက တကယ်တော့ ပေါ့သေးသေး ကိစ္စတော့ မဟုတ်ဘူး ။ သာမန် သူငယ်ချင်းဆိုတဲ့ အဆင့်တွေထက် အများကြီးကျော်ပြီး လူနှစ်ယောက် နှလုံးသားချင်း ပေါင်းစပ်လိုက်တာပဲ ။ ပိုပြီးလေးနက်အောင် ပြောရမယ်ဆိုရင် ကိုယ့်ချစ်သူဟာ ကိုယ့်အတွက် ဘဝလက်တွဲဖော် ဖြစ်သွားနိုင်သလို ကိုယ့်ရဲ့  ပါရမီဖြည့်ဘက်ကောင်းတစ်ယောက်အဖြစ် တစ်သက်လုံး အနားမှာရှိရင် ရှိသွားနိုင်ပါတယ် ။ ပေါ့ပျက်ပျက် လို့သဘောထားပြီး အပျော်ထားချင်တယ် ဆိုရင်တော့ ပေါ့ပျက်ပျက်သူ အချင်းချင်းနဲ့ပဲ တွဲပြီးကြိုက်လိုက်ပါ ။ အောင်မြင်မှု လမ်းပေါ်လျှောက်လှမ်းဖို့ ဘဝအတွက် ရုန်းကန်နေရတဲ့ လူတွေအပေါ် ပေါ့ပျက်ပျက်လို့ သဘောထားပြီး သူများရဲ့ အနာဂတ်ကို သွားပြီး မပျက်စီးမိပါစေနဲ့ ။
ပြီးတော့ ချစ်သူထားတယ်ဆိုတာ ကိုယ့်အနားမှာ တစ်ချိန်လုံးထားပြီး ကိုယ့်ရဲ့  အချိန်တွေ အားလုံးကို ပုံအောပြီးပေးဖို့ မဟုတ်ပါဘူး ။ တစ်ကယ်ကို လေးလေးနက်နက် ချစ်ပြီး တန်ဖိုးထားတယ်ဆိုရင် ဘဝကို လေးလေးနက်နက် အကောင်းဆုံး တည်ဆောက် ထားဖို့လိုပါတယ် ။ ရတဲ့မုန့်ဖိုးစု ၊ လစာထုတ်တဲ့အခါ မုန့်အတူတူစား ၊ anniversary ပြည့်တိုင်း လက်ဆောင်ပေး ၊ ဓာတ်ပုံအတူတူရိုက်တာမျိုးလောက် ပြီးဆုံးသွားတာ မဟုတ်ပါဘူး ။ ခနတာအတွက် ဆိုရင်တော့ ပျော်ရွှင်ကောင်း ပျော်ရွှင်ရ ပါလိမ့်မယ် ။ တစ်သက်လုံးအတွက် ရည်ရွယ်ထားတယ်ဆိုရင်တော့ ကိုယ့်ရဲ့  အနာဂတ်ကို အခုချိန်ကစလို့ အကောင်းဆုံး စတင်ဖန်တီးထားဖို့တော့ လိုပါလိမ့်မယ် ။
Credit : ခွန်နေ - Khun Nay
ဤစာဖတ်သူများအားလုံးချစ်သောသူနှင့်ရိုးမြေကျပေါင်းဖက်နိုင်ပါစေလို့ရွှေချစ်သူမှဆုတောင်းမေတ္တာ
ပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
