ပိုက်ဆံအတွက်ကြောင့် အမျိုးသားတွေနား အမျိုးသမီးတွေ ကပ်နေရတယ်ဆိုတဲ့ ခေတ်က ကုန်နေပါပြီ။ ခုချိန်မှာ အမျိုးသမီးကလည်း ၀င်ငွေကောင်းကောင်းနဲ့ ရပ်တည်လာနိုင်ကြပြီ မဟုတ်လား။ ကိုယ်က ၀င်ငွေကောင်းတဲ့ အမျိုးသမီး တစ်ယောက် ဖြစ်နေလို့ ကိုယ့်ချစ်သူက ကိုယ့်အနား ကပ်နေတာလားဆိုတာ ဒီအချက်ကလေးတွေ ပြောမပြခင် သင့်စိတ်အာရုံကနေ ခံစားကြည့်လိုက်ပါ။ လူတိုင်းမှာ စိတ်အာရုံ ခံစားမှု ရှိနေပါတယ်။ စိတ်ထဲ ထင့်နေတာ၊ စိတ်က အလိုလို သိနေတာမျိုး စသဖြင့်ပေါ့လေ။ ဒီလို
ခံစားလာရပြီဆိုရင် သေချာအောင် ဒီအချက်လေးတွေနဲ့ တိုက်ကြည့်လိုက်ပါ။
စစချိန်းတွေ့ချိန်တွေတုန်းကတော့ သူကပဲ အမြဲပိုက်ဆံရှင်းတတ်ပါတယ်။
စိတ်ပညာရှင် ဒေါက်တာ Diana Kirschner ပြောကြားချက်အရတော့ လူတွေက အစပိုင်းမှာ ကိုယ်ဖြစ်နေတာနဲ့ ဆန့်ကျင်ဘက် လုပ်ဆောင်ပြလေ့ရှိကြပါတယ်။ ခုလည်း ဒီသဘောပါပဲ။ နောက်ပိုင်းအချိန်တွေမှာ သင့်ဆီက သူယူဖို့ စဉ်းစားထားပေမယ့် အစပိုင်းအချိန်တွေမှာတော့ သူကချည်း ပိုက်ဆံထုတ်စိုက်ရှင်းနေပါလိမ့်မယ်။ နောက်ပိုင်း သင်က သူ့ကို သဘောကျ၊ ချစ်ကြိုက်လာတဲ့အခါမှာတော့ ပထမပိုင်းတုန်းက အကျင့်တွေ ပျောက်ခြင်းမလှပျောက်ကုန်တော့ တာပါပဲ။
သူကြိုက်တဲ့အရာတွေက ဈေးကြီးပေးရတာတွေချည်းပါပဲ။
သူသွားချင်တဲ့၊ သွားတတ်တဲ့ စားသောက်ဆိုင်ဆိုလည်း ဈေးကြီး၊ သူဝတ်တဲ့အ၀တ်အစား တံဆိပ်တွေကလည်း ဈေးကြီးပေးဝယ်ရတာတွေချည်း ဖြစ်နေတတ်ပါတယ်။ ချစ်ရေးချစ်ရာ တိုင်ပင်ခံ Nicole Johnson ကတော့ "သိုက်တူးသမားတွေဟာ များသောအားဖြင့် ဈေးဝယ်ရင်လည်း သင်နဲ့အတူတူ ၀ယ်ချင်ပါလိမ့်မယ်။ ခရီးလည်း အတူတူသွားဖို့ သင့်ကိုပြောပါလိမ့်မယ်။ ပြီးရင် ဈေးကြီးတဲ့ နေရာတွေကြီး သူတို့က အကြံပေးနေတော့မှာပါပဲ။ ဒီတော့ အဲ့ဒီလို လူမျိုးအတွက်ဆို ပိုက်ဆံအိတ်တွေ အိမ်မှာထားခဲ့ပြီးလိုသလောက်ပဲ ယူသွားရှင်းလိုက်ပါ။ ဒါအကောင်းဆုံးပါပဲ။ ထောင်ချောက်တော့ အမိမခံပါနဲ့" လို့ ဆိုပါတယ်။
ငွေရေးကြေးရေး ပြသနာတွေ တက်နေပေမယ့် သူ့အမှားမရှိဘူး။
ကိုယ်တွဲနေတဲ့ ကိုယ့်ချစ်သူမှာ ငွေကြေးနဲ့ ပတ်သက်ပြီး အခက်အခဲတွေ ကြုံနေရသလားဆိုတာ သိအောင်လုပ်ပါ။ ဒီတော့ သူရဲ့အရင် အချစ်ရေး၊ ဒါမှမဟုတ် အိမ်ထောင်ရေးစတာတွေ ဘယ်လိုအဆုံးသတ်သွားခဲ့သလဲဆိုတာ သူနဲ့ စကားပြောကြည့်ဖို့ လိုပါတယ်။ သူပြောတဲ့စကားတွေကိုနားထောင်၊ ကိုယ့်ဘာသာကိုယ်လည်း စုံစမ်းပြီး သူဟာ အရင်ကောင်မလေး၊ အရင်ရည်းစားကိုလည်း ငွေကြေးအတွက် အသုံးချခဲ့သလားဆိုတာ သိအောင် လုပ်ဖို့လိုပါတယ်။
အချိန်ရှိသမျှ ငွေအကြောင်းပြောပြီး ငွေသာတောင်းနေတတ်တယ်။
နှစ်ဦးသားရှေ့ရေးအတွက် အလုပ်လုပ်မယ်ဆိုပြီးတော့ပဲ ဖြစ်ဖြစ်၊ အကြောင်းအမျိုးမျိုးပြပြီးတော့ပဲဖြစ်ဖြစ် သင့်ဆီက ပိုက်ဆံတောင်းဖို့ကိုသာ သူစဉ်းစားနေတယ်ဆိုရင် ငွေကြေးအခြေအနေအားလုံးကို သူ့ကို ရှင်းပြထားလိုက်ပါ။ပြီးတော့ တစ်လကို ဘယ်လောက်သာ သုံးမယ်ဆိုတာမျိုးကိုလည်း သူ့ကိုပြောထားလိုက်ပါ။
အလုပ်မရှိအကိုင်မရှိ၊ အလုပ်လုပ်ဖို့ မစဉ်းစားပဲ သင့်နားကပ်စားဖို့သာ တွေးနေတယ်။
မသိစိတ်က သိနေတာကို အတည်ပြုဖို့ အချိန်ပါပဲ။ အကြောင်းအမျိုးမျိုးကြောင့် အလုပ်မရှိဖြစ်နေတာ၊ ဒါမှမဟုတ် အချိန်ပိုင်းအလုပ်တွေ ၀င်လုပ်နေရတာကို သိုက်တူးတဲ့သူလို့ မပြောပါဘူး။ ဒါပေမယ့် အလုပ်လုပ်ဖို့ လုံးဝစိတ်မကူးပဲ သင့်လုပ်စာကိုပဲ ထိုင်စားဖို့ တွေးနေမယ်ဆိုရတော့ ဒီလိုလူမျိုးကို ဝေးဝေးသာ သွားခိုင်းလိုက်ပါတော့။ အချစ်ရေးတစ်ခု သာယာလာဖို့ဆိုတာ နှစ်ဦးနှစ်ဖက် အတူရုန်းကန်ရတာမျိုး၊ အခက်အခဲတွေကို ရင်ဆိုင်ဖြေရှင်းကြရတာမျိုးပါ။ ကိုယ့်ကိုတစ်ချိန်လုံး မှီခိုပြီး ဘာလုပ်ရည်ကိုင်ရည်မှ မရှိ၊ ဘာတာဝန်မှ မယူချင်တဲ့ လူကိုတော့ ဘယ်သူမှ ကြာရှည်မချစ်နိုင်ပါဘူး။
Credit : Trend Myanmar
ဤစာဖတ်သူများအားလုံးချစ်သောသူနှင့်ရိုးမြေကျပေါင်းဖက်နိုင်ပါစေလို့ရွှေချစ်သူမှဆုတောင်းမေတ္တာ
ပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
