ပြေးလိုက်၊ လွှားလိုက်၊ ပုန်းကွယ်လိုက် လုပ်နိုင်ပေမယ့် ဘယ်တော့မှ မလွတ်မြောက်နိုင်တဲ့အရာတွေ ရှိနေပါတယ်။ စဉ်းစားကြည့်လေ မနက်မိုးလင်းတာနဲ့ ဒီနေ့ ဘယ်အလုပ်တွေကို အပြီးသတ်လုပ်ရမယ်ဆိုတာမျိုး၊ ဒါမှမဟုတ်လည်း လက်ကိုင်ဖုန်းအသစ်လဲဖို့ ပိုက်ဆံရှာရမယ့် ကိစ္စမျိုး စတာတွေနဲ့ သင့်ရဲ့စိတ်ဟာ အရာရာကြောင့် အမြဲပူပန်နေကြရတာပါပဲ။ ဖိစီးမှုတွေလည်း ရှိနေရတာပါပဲ။ ဒါပေမယ့် ဒီစိတ်ဖိစီးမှုတွေကြောင့် သင့်ဘ၀မှာ ကောင်းကျိုးတစ်ချို့ကိုလည်း ခံစားနိုင်ပါတယ်။ အဲ့ဒါတွေကတော့
၁။GYM ကစားတဲ့အခါ ဖြစ်လာတဲ့ စိတ်ဖိစီးမှု
ကိုယ်လက်လှုပ်ရှားမှုတစ်ခုခု လုပ်တဲ့အခါ၊ ဒါမှမဟုတ် GYM ကစားတဲ့အခါ သင့်စိတ်ထဲမှာ ရှိနေတဲ့ စိတ်ဖိစီးမှုတွေကြောင့် သင်ဟာ ပိုကစားပါလိမ့်မယ်။ ဒီလိုအချိန်မှာ ရရှိလာမယ့် အဖြေဟာ သင့်အတွက် ကောင်းကျိုးတွေပဲပေါ့။ ဒီ စိတ်ဖိစီးမှုကြောင့် ခန္ဓာကိုယ်မှာ six-pack ခပ်မြန်မြန် ဖြစ်မလာရင် ကြိုက်သလိုပြော။
၂။အလုပ်ခွင်က စိတ်ဖိစီးမှု
အောင်မြင်တဲ့လူတိုင်းအား တွန်းအားတွေ၊ စိတ်ဖိစီးမှုတွေဒဏ်ကို ခံခဲ့ရတာချည်းပါပဲ။ ကိုယ့်မှာပြိုင်ဘက်တွေ ရှိလာရင် သူတို့ကို ဘယ်လိုအနိုင်ပိုင်းရမလဲဆိုတဲ့ စိတ်ဖိစီးမှုတွေကို ကျော်လွန်ကြိုးစားနိုင်မှ အောင်မြင်မှုဆိုတာကို ရရှိမှာပါ။ အလုပ်ပင်ပန်းပြီး စိတ်ဖိစီးမှုတွေ ရှိနေတာကိုက သင်ဟာအလုပ်မှာ ပေါ့ပေါ့နေတတ်တဲ့သူမဟုတ်ဘူး၊ တာဝန်ယူတတ်တဲ့သူဆိုတာ ထင်ရှားနေပါတယ်။ ဒီအချက်ကို ကိုယ့်ဘေးက လူတွေကလည်း သတိပြုမိမှာပါ။ ဒီဖိစီးမှုကြောင့် သင်ဟာလုပ်ရည်ကိုင်ရည် ပိုရှိလာမယ်၊ အထက်အရာရှိရဲ့ သတိပြုခြင်းကိုလည်း ခံလာရမှာပါ။
၃။ပြိုင်ပွဲကြောင့် ခံစားရတဲ့ စိတ်ဖိစီးမှု
ဘယ်အရာကမှ အလွန်အကျွံဆိုရင် မကောင်းတော့ပါဘူး။ သင်ဟာ သင့်ပြိုင်ရမယ့် ပြိုင်ပွဲကြောင့် စိတ်ဖိစီးမှုခံစားနေရတာ သဘာဝကျပါတယ်။ အလွန်အကျွံ စိတ်ပူတာမျိုး မဟုတ်ပဲ သာမာန် စိတ်ဖိစီးမှုဖြစ်တာဆိုရင် သင်ဟာ အားထုတ်မှုပိုင်းမှာ မြင့်မားလာပါလိမ့်မယ်။ ပြိုင်ဘက်တွေကပေးတဲ့ ဖိစီးမှုကြောင့်လည်း သင်ဟာ အနိုင်ရသွားတာမျိုးတွေ ကြုံတွေ့ရပါလိမ့်မယ်။
၎။နေအိမ်မှာ ခံစားရတဲ့ စိတ်ဖိစီးမှု
အချက် (၃)မှာ ပြောခဲ့သလိုပါပဲ။ စိတ်ဖိစီးမှုကို အလွန်အကျူးခံစားနေရတာမျိုး မဟုတ်ပဲ ခံစားသင့်သလောက်သာ ခံစားနေရတာဆိုရင် ဒါဟာ ကောင်းတယ်လို့တောင် ဆိုနိုင်ပါတယ်။ သင်စိတ်ဖိစီးတဲ့အခါ သင့်ခန္ဓာကိုယ်ကနေ ဟော်မုန်းတွေ ထုတ်လွှတ်ပေးပါတယ်။ ဒီအချက်ပြတာတွေဟာ ဦးနှောက်ကပို့လွှတ်လိုက်တာ ဖြစ်တဲ့အတွက် သင့်ရဲ့မှတ်ဥာဏ်ကို ပိုမိုမြင့်မားစေပါတယ်။
၅။စာသင်ခန်းထဲမှာ ခံစားရတဲ့ စိတ်ဖိစီးမှု
မနက်ဖြန်၊ သန်ဘက်ခါ စာမေးပွဲဖြေရတော့မယ်။ ခုထိ စာတစ်လုံးမှ မရသေးတာကြောင့် စာသင်ခန်းထဲ ဖိစီးမှုဒဏ်တွေ အလူးအလဲ ခံစားနေရတာမျိုးကတော့ သင့်အတွက် ကောင်းကျိုးရှိချင်မှ ရှိပါလိမ့်မယ်။ ဒါပေမယ့် စာသင်ခန်းထဲမှာ စာလေ့လာရင်း ရရှိလာတဲ့ ဖိစီးမှုကတော့ လုံးဝဖိစီးမှုမရှိတဲ့သူတွေထက်စာရင် သင့်ဟာ ပိုမိုတောက်ပတဲ့ အနာဂတ်ကို ပိုင်ဆိုင်နိုင်လိမ့်မယ်ဆိုတာ ကြိုတင်ဟောကိန်းထုတ်ထားသလိုပါပဲ။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
