တစ်နေ့ (၂၅) မိနစ် ခပ်သွက်သွက် လမ်းလျှောက်သူ အသက် ခုနှစ်နှစ် ပိုရှည်

တစ်နေ့ (၂၅) မိနစ် ခပ်သွက်သွက် လမ်းလျှောက်ပေးခြင်းဖြင့် အသက် ခုနှစ်နှစ်ခန့် ပိုရှည်နိုင်ကြောင်း ကျန်းမာရေး ပညာရှင်များက ပြောသည်။ပုံမှန်လေ့ကျင့်ခန်း ပြုလုပ်ခြင်းက နှလုံးရောဂါဖြင့် ရုတ်တရက် သေဆုံးနိုင်ခြေ ထက်ဝက်ခန့် လျော့ကျသွားစေကြောင်း သိရသည်။ အသက် (၇၀) အထိ လေ့ကျင့်ခန်း မလုပ်ဘဲနေသည့် လူများတောင် ယင်းနည်းဖြင့် ကျန်းမာရေး ကောင်းအောင် လုပ်ဆောင် နိုင်နေဆဲ ဖြစ်ကြောင်း လေ့လာသူများက ပြောကြားခဲ့သည်။

လန်ဒန်ရှိ စိန့်ဂျော့တက္ကသိုလ် ဆေးရုံမှ နှလုံးရောဂါဆိုင်ရာ ပါမောက္ခ ဆန်ဂျေးရှာမာက အသက် (၅၀) နှင့် (၆၀) ကြား ပုဂ္ဂိုလ်များသည် ဖြည်းဖြည်းမှန်မှန်ဖြင့် ကျန်းမာရေး လှုပ်ရှားမှုများ ပြုလုပ်ရုံဖြင့် နှလုံးရောဂါဖြင့် သေဆုံးနိုင်ခြေ ထက်ဝက်ခန့် လျော့ကျသွားနိုင်ကြောင်း ပြောကြားခဲ့သည်။အိုမင်းမစွမ်း ဖြစ်လာခြင်းကို ရှောင်လွှဲမရနိုင်သော်လည်း အိုမင်းမစွမ်းဖြစ်လာမည့် အချိန်ကိုမူ ဆွဲထားလို့ ရနိုင်ကြောင်း၊ အသက် (၇၀) အရွယ်တွင် နုပျိုဖျတ်လတ်ပြီး အသက် (၉၀) အထိ အသက်ရှည်ရှည် နေနိုင်အောင် လုပ်ဆောင်နိုင်မည်ဟု ဆိုသည်။

အသက် (၇၀) အရွယ်မှ လေ့ကျင့်ခန်း စတင်ပြုလုပ်သူများသည် နှလုံးခုန် မမှန်သည့် ရောဂါဖြစ်နိုင်ခြေ နည်းကြောင်း သိရသည်။ နှလုံးခုန်မမှန်သည့် ရောဂါလက္ခဏာကို အသက် (၈၀) ကျော်များတွင် ဖြစ်ပွားမှု (၁၀) ရာခိုင်နှုန်းထိ တွေ့ရလေ့ရှိသည်။လေ့ကျင့်ခန်းမှာ စိတ်ဖိစီးမှုကို လျှော့ချပေးပြီး ထိုးထွင်းသိမြင်နိုင်စွမ်းကို တိုးတက်စေသဖြင့် ဦးနှောက်စွမ်းရည် ကျဆင်းမှုကိုပါ ဟန့်တားပေးနိုင်ကြောင်း အထောက်အထား တွေ့ရှိရပြီ ဖြစ်သည်။

လူတိုင်း တစ်နေ့လျှင် ခပ်သွက်သွက် လျှောက်ခြင်း၊ ခပ်ဖွဖွပြေးခြင်း အပါအ၀င် လေ့ကျင့်ခန်း မိနစ် (၂၀) မှ (၂၅) မိနစ်ခန့် ပြုလုပ်သင့်ကြောင်း ပါမောက္ခ ဆန်ဂျေးရှာ မာက အကြံပြု  ပြောကြားခဲ့သည်။

Credit : messenger

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...