ညစာမစားခင်နဲ့ ညစာစားပြီး သတိထားရမယ့် အချက်တွေ

ကျန်းမာကြံ့ခိုင်တဲ့ နေထိုင်မှု ဘ၀ကို ပိုင်ဆိုင်ဖို့ရာမှာ အစာစားသောက်ပုံ နည်းစနစ်တွေမှန်ကန်ဖို့ကလည်း အရေးကြီးပါတယ်။ မနက်စာက အရေးကြီးသလို အိပ်ပျော်နေစဉ်မှာ လိုအပ်တဲ့ အာဟာရတွေကို ထောက်ကူပေးတဲ့ ညစာကလည်း အရေးပါပြန်ပါတယ်။ ကျန်းမာရေး ပညာရှင်တွေက ညစာကို အိပ်ရာမ၀င်ခင် အနည်းဆုံး နှစ်နာရီလောက်အလိုမှာ နောက်ဆုံးစားသုံးဖို့ အကြံပြုထားတာကြောင့် ဆောင်ရန် ရှောင်ရန်လေးတွေကို မျှဝေလိုက်ပါတယ်။

ညစာ မစားခင် နာရီဝက်လောက်အလိုမှာ ရေခပ်နွေးနွေး လေး တစ်ခွက်လောက် သောက်ပေးရင် အလွန်အကျွံ မစား သောက်မိအောင် ကာကွယ်ပေးပါတယ်။ ထမင်းစားပြီး အနည်းဆုံးနာရီဝက်လောက်နေမှသာ ရေသောက်ဖို့လိုပြီး ခပ်နွေးနွေးရေဖြစ်မှသာ အစာချေဖျက်မှုအတွက် ထောက်ကူပေးပါတယ်။

နောက်တစ်ချက်ကတော့ ညစာစားပြီးပြီးချင်း တန်းပြီး အိပ်ရာမ၀င်သင့်ပါဘူး။ အဲဒီလိုသာလုပ်ဆောင်မယ်ဆိုရင် အစာကောင်းကောင်း မချေနိုင်ဘဲ ဗိုက်ပွပြီး ရင်ပူရင်ဆာ ဖြစ်တတ်ပါ တယ်။ မိနစ် ၂၀ လောက် လမ်းလျှောက်ပေးဖို့ လိုအပ်ပေမယ့် လေ့ကျင့်ခန်း အပြင်းအထန်တွေတော့ မလုပ်ရပါဘူး။

နောက်ပြီး အစာစားပြီး နာ ရီဝက်လောက်နေရင် သွားတိုက် ဖို့လည်း မမေ့သင့်ပါဘူး။ ဆေးလိပ်သောက်တတ်သူတွေဆိုရင် လည်း ညစာစားပြီးတာနဲ့ ဆေးလိပ်သောက်တာမျိုး ရှောင်သင့် ပါတယ်။

နောက်ထပ် ရှောင်သင့်တဲ့အချက်တစ်ခုတော့ ညစာစားပြီး ပြီးချင်း ရေချိုးတာပါ။ အစာချေဖျက်မှုလုပ်ငန်းကို အနှောင့်အ ယှက်ဖြစ်စေတာကြောင့် နာရီဝက်၊ ဒါမှမဟုတ် ၄၅ မိနစ် လောက်နေမှ ရေချိုးသင့်ပါတယ်။ အိမ်မှာ ညစာစားတယ်ဆိုရင် သက်သောင့်သက်သာဖြစ်တဲ့ အ၀တ်အစားမျိုး ၀တ်ဆင်ပြီးမှ စားသင့်ပါတယ်။ တင်းကျပ်လွန်းတဲ့ အ၀တ်အစားတွေကြောင့် ရင်ပြည့်ပြီး မသက်မသာ ခံစားရတတ်တာကြောင့် အပြင်မှာညစာစားခဲ့ရင်လည်း အိမ်ရောက်တာနဲ့ အ၀တ်အစားတွေလဲ ပစ်ဖို့လိုပါတယ်။


လူတိုင်းလိုက်နာဖို့ ခက်ခဲတဲ့ အချက်တစ်ခုကတော့ ညစာစားပြီးပြီးချင်း သစ်သီးတွေ စားတဲ့အလေ့အကျင့်ကို ဖျောက်ဖို့ပါပဲ။ အသီးစားချင်တယ်ဆိုရင်တော့ ထမင်းမစားခင် နာရီဝက်လောက်အလိုမှာကတည်းက စားသင့်တယ်လို့ ဆိုပါတယ်။ ဒါ့အပြင်ဆီးချိုသမားတွေအနေနဲ့ သကြားဓာတ်ပါဝင်မှုနည်းတဲ့ အသီးအနှံကို သေသေချာချာရွေးချယ်ဖို့ အထူးလိုအပ်ပါတယ်။

Credit : 7day daily

 ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...