၂၀၁၅ ထဲမှာ ရုပ်ရှင်ကားကြီး အနေနဲ့ရော နိုင်ငံတကာနဲ့လက်တွဲပြီး ရိုက်ကူးတဲ့ ဇာတ်ကားတွေများပြားလာတဲ့ နေတိုးက ရှေ့ဆက် သူလုပ်ဆောင်သွားမဲ့ အနုပညာလှုပ်ရှားမှုများနဲ့ လတ်တလော အနုပညာရေးရာအကြောင်းအရာများကို ပြောပြလာတဲ့အခါ
-လတ်တလော အနုပညာလှုပ်ရှားမှုလေးကို အရင်ပြောပြပေးပါဦး။
နိုဝင်ဘာ ၁ ရက်နေ့မှာ ပြုံးရွှင်ရေ ပျော်ရဲ့လား ရုပ်ရှင်ကားကြီး လက်ကျန် ဇာတ်ဝင်ခန်းတွေ ရိုက်ဖို့ရှိတယ်။ နောက် အောင်ဇေ ပိုင်ဇေ ရုပ်ရှင်ကားကို ကလောမှာ သွားရိုက်ဖို့ရှိတယ်။ ဒါရိုက်တာ ကျော်ဇောလင်း ကိုလူမင်း၊ အိချောပိုတို့နဲ့ပေါ့။ အဲ့ဒီကားက အက်ရှင်နဲ့ ဟာသ ရောထားတဲ့ ဇာတ်လမ်းပေါ့။ ရောင်စုံသူပုန်ခေတ်က သောင်းကျန်းသူတွေထကြွတဲ့အချိန်မျိုးတွေ၊ နိုင်ငံရေးမတည်
မငြိမ်ဖြစ်နေတဲ့ ကာလတစ်ခုမှာ ဖြစ်ပျက်တဲ့ အဖြစ်အပျက်တွေကို ရိုက်ပြမှာပေါ့။ ပရိသတ်အတွက်လဲ အသစ်အဆန်းတစ်ခုဖြစ်စေချင်တဲ့ ရည်ရွယ်ချက်နဲ့ပါ။
-ရခိုင်ပြည်နယ်နဲ့ချင်းပြည်နယ် ရေဘေးသင့်ရန်ပုံငွေပွဲမှာ ပါဝင်ထားတာကိုတွေ့ရတယ်။
ဟုတ်ကဲ့။ ဆရာတော် ဘုရားကြီးနဲ့ဦးဇင်းဘီလူးတို့ကြီးမှူးပြီး ရခိုင်အမျိုးသားပြန်လည် ထူထောင်ရေးအဖွဲ့ကဒီပွဲကို လုပ်ကြမယ်ဆိုတော့ ကျွန်တော်တို့ကအနုပညာသမားတစ်ယောက်အနေနဲ့ရော ရခိုင်အမျိုးသား တစ်ယောက်အနေနဲ့ရော ပါဝင်ဖြစ်ခဲ့တယ်။ ကျွန်တော့်သီချင်းရယ်၊ နောက်သီချင်းဟောင်းတစ်ပုဒ်ရယ်ဆိုဖြစ်ပါတယ်။
-မကြာခင်မှာရုံတင်တော့မဲ့ နက္ခတ်မှားတဲ့တိုက်ပွဲ ရုပ်ရှင်ဇာတ်ကားနဲ့ပတ်သက်ပြီးတော့လဲ ပြောပြပေးပါဦး။
အဲ့ဒီကားလေးက ဒရာမာကိုမှ ဟဲဗီးဒရာမာပေါ့။ ပရိသတ်ကို လှည့်စားထားတဲ့ ဇာတ်ဝင်ခန်းတွေပါတယ်။ ပရိသတ်အတွက် အသစ်အဆန်းဖြစ်အောင်ရိုက်ကူးထားတဲ့ဇာတ်ဝင်ခန်းတွေပါတယ်။ အဲ့ဒီကားထဲမှာ ကျွန်တော့်ကာရိုက်တာက ပုံမှန်ရိုက်ကူးနေကျ ကားတွေနဲ့တောင်မတူဘူး။ ထူးခြားမှုတွေရှိနေတယ်။ လျှို့ဝှက်ချက်တွေ များနေတယ်။ အဲဒီကားက ကြော်ငြာကြည့်ပြီးစိတ်ဝင်စားတာထက်ကို တကယ်ကြည့်တဲ့ အချိန်မှာလဲပိုပြီးတော့ စိတ်ဝင်စားစေမဲ့ ကားဆိုတာ ကျွန်တော်အာမခံရဲတယ်။ ကာရိုက်တာ သုံးခုသရုပ်ဆောင်ရတယ် ဆိုပေမဲ့ ကာရိုက်တာ သုံးခုကို ဖျောက်ပြီးကာရိုက်တာ နှစ်ခုဆိုတဲ့ ပုံစံမျိုးသရုပ်ဆောင်ရတယ်။ တကယ်တမ်းကြည့်မယ် ဆိုရင် တော့ ကာရိုက်တာသုံးခုပေါ့။ အက်ရှင် ဒရာမာရိုမန့်စ် ဇာတ်ကားလဲဖြစ်တော့ ရသပိုင်းနဲ့လဲကျွန်တော်ကြိုက်တဲ့ ဇာတ်လမ်းအမျိုးအစားထဲမှာပါတယ်။ ပရိသတ်နဲ့တစ်ထပ်တည်းဖြစ်မယ် လို့လဲယုံကြည်ပါတယ်။
-အရှေ့မှာ ရိုက်ခဲ့တဲ့ Bangkok to Mandalay ရုပ်ရှင်ဇာတ်ကားကြီးနဲ့ပတ်သက်ပြီးတော့လဲသိချင်ပါတယ်။
အဲ့ဒီကားက ရိုမန့်စ်နဲ့Culture ရယ် Traditional ရယ် ရောထားတဲ့ ဇာတ်လမ်းလေးပေါ့။ ကာရိုက်တာကတော့ စာပို့တာကို ၀ါသနာပါတဲ့လူငယ်တစ်ယောက်ပေါ့။ သူကငွေကြေးချမ်းသာမှုရှိတယ်။ ဒါပေမဲ့လဲ သူ့ဝါသနာ ဖြစ်တဲ့ စာပို့သမားတစ်ယောက်ရဲ့ဘ၀ကိုသူကြိုက်တယ်။ အဲ့ဒီလိုကာရိုက်တာမျိုးလေးပေါ့။ အဓိကကတော့ Classic အချစ်ကားတစ်ကားလို့ပြောရမှာပေါ့။ အဲ့ဒီကားကိုလက်ခံဖြစ်တာကတော့ ဇာတ်လမ်းရဲ့ တင်ပြမှုပုံစံရယ်၊ နောက်ကာရိုက်တာရယ် ဒါတွေကို ကြိုက်လို့ပါ။
-ကိုဝိုင်းနဲ့ရိုက်တဲ့ တာတေကြီးဆိုတဲ့ ကားကြီးထဲမှာလဲ မိတ်ကပ် Effect တွေအရမ်းကောင်းတာကိုတွေ့ရတယ်။ အဲ့ဒါနဲ့ပတ်သက်ပြီးတော့လဲသိချင်ပါတယ်။
တာတေကြီး ဇာတ်လမ်းကတော့ အရှင်းဆုံးပြောရရင် ကျွန်တော် ဇာတ်ကောင်နှစ်နေရာမှာ သရုပ်ဆောင်ရတယ်။ အဲ့ဒီအတွက်တာတေကြီးဇာတ်ကားကတော့ ကျွန်တော့အတွက်ထူးခြားမှုရှိတယ်။ တာတေကြီးရုပ်ရှင်ကို လာကြည့်မဲ့ ပရိသတ်အတွက်လဲ ကျေနပ်စေမဲ့ကားတစ်ကားလို့မြင်တယ်လေ။ သူကတကယ်လဲ ကြောက်စရာကောင်းတဲ့ဇာတ်ဝင်ခန်းတွေလဲပါသလို ၀မ်းနည်းစရာကောင်းတဲ့ဇာတ်ဝင်ခန်းတွေလဲပါနေတယ်။ နောက်ပြီးတော့ အက်ရှင်ဆန်ဆန် Revenge လုပ်တဲ့ ဇာတ်ဝင်ခန်းတွေလဲ ပါတယ်ဆိုတော့ ဒီကားကတော့ မြန်မာပရိသတ်နဲ့အံဝင်ခွင်ကျဖြစ်မဲ့ဇာတ်ကားတစ်ကားလို့မြင်တယ်။ နောက်ပြီးတော့
ရိုက်ကူးမှုမှာလဲ အဆင်ပြေပြေချောချောမွေ့မွေ့ဖြစ်အောင်ပြုလုပ်ထားတဲ့ အတွက်ကြောင့် အခက်အခဲမရှိပြီးတော့မယ့်ကားတစ်ကားလို့ပြောရမှာပေါ့။ ၇ နဲ့ ၈ကတော့ ရန်ကုန်မှာရိုက်ကူးရေးနည်းနည်းကျန်နေသေးပါတယ်။ အဲ့ဒီကားကတော့ ပြောရရင် သရဲကားတစ်ကားပေါ့။ သရဲကားကိုမှ Life ဆန်တယ်။ အက်ရှင်ဆန်တယ်။ နောက်ပြီးတော့ အင်တာတိန်းမန့်ဆန်တဲ့ကားပေါ့။ သရုပ်ဆောင်မှုအပိုင်းတွေကို ကြည့်မယ်ဆိုရင် ပြီးပြည့်စုံတဲ့ အားရကျေနပ်မှုရှိမဲ့ သရုပ်ဆောင်မှုတွေအများကြီးပါတယ်။ နောက်တစ်ခုကနေတိုးဆိုတဲ့ မင်းသားတစ်ယောက်ရဲ့သရုပ်ဆောင်မှုတွေက တခြားကားတွေနဲ့ မတူတဲ့ သရုပ်ဆောင်မှုတွေ၊ နောက်ကျွန်တော့အတွက်လဲ စိန်ခေါ်မှုပါတယ်။ ကာရိုက်တာတစ်ခုကို ပြတ်ပြတ်သားသားသရုပ်ဆောင်လို့ရတဲ့ ဟာမျိုးတွေလဲဒီကားမှာပါတယ်ဆိုတော့ ကျွန်တော်ရိုက်ကူးခဲ့သမျှဇာတ်ကားတော်တော်များများထဲမှာ ဇာတ်ကောင်ရော ဇာတ်ကားရော တင်ပြမှုပုံစံရောက ကျွန်တော်ကြိုက်နှစ်သက်တဲ့ ဇာတ်ကားထဲမှာပါနေတယ်လို့ပြောလို့ရတယ်။ အဲ့ဒီကားထဲမှာရိုက်ကွင်းမိတ်ကပ်က ကိုအောင်ကျော်ထွန်းလုပ်တယ်။ ကျွန်တော်လဲလုပ်တယ်။ တကယ့် Final မိတ်ကပ်ကို ပေါလစ်လုပ်တာကကျတော့ ဘိုင်ကျူရယ်သမား ရဲဝင့်လူလုပ်မယ်။ မိတ်ကပ်ပိုင်းဆိုင်ရာနဲ့နည်းပညာဆိုင်ရာ Artist တွေတော်တော်များများပါမယ်။
-၂၀၁၅ ထဲမှာ နိုင်ငံတကာနဲ့ချိတ်ဆက်ပြီး ရိုက်ဖြစ်နေတဲ့ မင်းသားတစ်ယောက်အနေနဲ့ နောက်ထပ် ရိုက်ဖို့ရှိသေးရင်လဲသိချင်ပါတယ်။
နိုင်ငံခြား ထုတ်လုပ်ရေးတွေ နိုင်ငံခြားက သရုပ်ဆောင်တွေနဲ့အလုပ်တွေလုပ်ဖို့စီစဉ်ထားတာရှိပါတယ်။ မြန်မာ့ရုပ်ရှင်ကနိုင်ငံတကာနဲ့ ပူးပေါင်းပြီး လုပ်လာတဲ့ အတွက်ကြောင့်မို့လို့အိမ်နီးချင်းနိုင်ငံတွေမှာ ကျွန်တော်တို့ရုပ်ရှင်တွေက ပြသခွင့်ရလာလို့ရှိရင် ဈေးကွက်ကျယ်ပြန့်လာမယ်။ အဲ့ဒီအခါအနာဂတ်အတွက် မြန်မာ့ရုပ်ရှင်အရည်အသွေးမြင့်မားလာဖို့ရည်ရွယ်ပြီးတော့ ကိုယ့်နိုင်ငံအတွင်းက ဇာတ်လမ်းတစ်ပုဒ် ကို နိုင်ငံခြားက ဒါရိုက်တာတစ်ယောက်နဲ့အလုပ်လုပ်တာမျိုးတို့ကိုယ့်နိုင်ငံကဒါရိုက်တာနဲ့နိုင်ငံခြားကသရုပ်ဆောင်တွေေ
ခ်ါရိုက်တာမျိုးတို့မျိုးစုံပေါ့။ ပရိသတ်အတွက် ၂၀၁၅ မှာ ခံစားမှုမျိုးစုံဖြစ်ဖို့စီစဉ်ထားတယ်။ ဆက်လက်ပြီးတော့ အားပေးပေးပါ။ ကျွန်တော် ဗီယက်နမ်အလှမယ် ငုရင်ထရန်နဲ့လဲ ဇာတ်ကားရိုက်ဖို့စီစဉ်ထားတယ်။ အခုလောလောဆယ်မှာ ကျွန်တော်တို့ဇာတ်လမ်းရွေးချယ်မှုလုပ်နေတယ်။ အဆင်ပြေဖို့များပါတယ်။ ယိုးဒယားကအနုပညာသမားတွေနဲ့လဲ ဇာတ်ကားရိုက်ဖို့စီစဉ်ထားတယ်။ နောက်သူတို့ကားတွေမှာလဲ ပါဝင်ပြီးတော့ သရုပ်ဆောင်ဖို့ရှိတယ်။ ကိုယ်တွေဖက်ကလဲငှားရိုက်ဖို့ရှိတယ်။ မျိုးစုံပါပဲ။
-၂၀၁၅ ရွေးကောက်ပွဲနဲ့ပတ်သက်ပြီး အစ်ကို့အမြင်လေးကိုလဲသိချင်ပါတယ်။
ဒီရွေးကောက်ပွဲကတကယ်လဲ အရေးကြီးသလို ကျွန်တော်တို့အတွက်လဲ တကယ့်ကို ဒီအချိန်အခါဟာ ပြောင်းလဲဖို့အချိန်တန်တာမဟုတ်ဘူး။ နောက်ကျနေပြီလို့တောင်ပြောချင်ပါတယ်။ ကျွန်တော်တို့ ဒီအချိန်အခါမှ မပြောင်းလဲနိုင်ဘူးဆိုရင်နောက်ထပ် Generation အတွက် စဉ်းတောင်မစဉ်းစားရဲပါဘူး။ ကျွန်တော်တို့ပြောင်းလဲချိန်က တန်ရုံတင်မဟုတ်ဘူး။ တော်တော်လေးနောက်ကျနေပါပြီ။ ဒီရွေးကောက်ပွဲမှာ ကျွန်တော်တို့ပြတ်ပြတ်သားသားနဲ့ မိမိရဲ့နိုင်ငံကို အမှန်တကယ်ပြောင်းလဲဖို့အတွက်ရွေးချယ်မှုတွေ မှန်ကန်ပါစေလို့ဆုတောင်းပေးပါတယ်။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
