-အခုရိုက်နေတဲ့ကားလေးအကြောင်းကို အရင်ပြောပြပေးပါဦး။
ကျောင်းသားဇာတ်မြူးလေးပါပဲ။ MRTV-4 ကရိုက်တဲ့ ပထမဆုံး ရုပ်ရှင်ကားကြီးပေါ့။ ဒါရိုက်တာက ဦးအောင်သြဘာ၊ မင်းသမီးက ခေးဆက်သွင်၊ မြတ်သူဇင်၊ ပိုးကြာဖြူခင် မေဧကရီထူးတို့ပါတယ်။ မင်းသားတွေက ကျွန်တော်အပြင် ဟန်လင်းသန့်၊ ဘုန်းဆက်သွင်နဲ့ထွန်းထွန်းဝင်းတို့ပါ။
-အခုလိုကားကြီးမှာ ပထမဆုံး ပါဝင်သရုပ်ဆောင်ခွင့်ရတဲ့အတွက် အမှတ်တရအနေနဲ့ရော ဘာတွေရှိမလဲ။
-အမှတ်တရကတော်တော်ကိုကြီးပါတယ်။ တစ်ခါမှ ရုပ်ရှင်လဲ မရိုက်ဖူးဘူး။ စိတ်ဖိစီးမှုရှိတယ်။ ဒါပေမဲ့ အကောင်းဆုံးတော့ လုပ်နေပါတယ်။
-အရှေ့မှာ လုပ်ဖြစ်ခဲ့တဲ့ အနုပညာလှုပ်ရှားမှုတွေကိုလဲသိချင်ပါတယ်။
အရှေ့မှာ လူရည်ချွန်ဆိုတဲ့ စီးရီးတွဲလေး ရိုက်ထားပါတယ်။ အခုတော့ မလွှင့်ရသေးဘူး။ ရှေ့နှစ် ခြောက်လပိုင်းလောက်မှ လွှင့်မှာပါ။ အဲ့ဒီကားလေးထဲမှာ ကျန်းမာရေးမှူးအနေနဲ့ ပါဝင်သရုပ်ဆောင်ထားပါတယ်။
-လွှင့်ပြီးသားစီးရီးတွဲကဘယ်နှခုလောက်ရှိမလဲ။
ပန်းနုသွေးရှိမယ်။ Sign of love ရှိမယ်။ ထာဝရမန္တလေး၊ Happy Beach ၊ Flowers and Butterfly ပေါ့။
-ပရိသတ်တွေကရော ဘယ်မှာသတိထားမိသွားတာလဲ။
ပန်းနုသွေးမှာ စပြီးသတိထားမိကြတယ်လို့ထင်ပါတယ်။
-သရုပ်ဆောင်ပိုင်းနဲ့ပတ်သက်ပြီး ရှေ့ကရိုက်ခဲ့တဲ့ကားတွေမှာ အခက်အခဲတွေရောရှိခဲ့လား။
ရှိပါတယ်။ ရုပ်ရှင်ဖြစ်တဲ့အတွက် စိတ်ပူတယ်။ စိတ်ဖိစီးတယ်။ တစ်ခါမှလဲ မရိုက်ခဲ့ဖူးဘူး။ တော်တော်တော့ စိတ်ပင်ပန်းတယ်။ တစ်ဆင်းန်တစ်ဆင်းန်ဆိုလဲ တော်တော်လေး အချိန်ပေးပြီးရိုက်ရတယ်။
-ဇာတ်လမ်းတွဲနဲ့ အခုရုပ်ရှင်ကားကြီးရိုက်တာကျတော့ အစ်ကို့အတွက်ဘယ်လိုကွာခြားမှုရှိလဲ။
ဇာတ်လမ်းတွဲက ငါးလခြောက်လလောက် သွားတဲ့အခါကျတော့ ရိုက်နေရင်းနဲ့ကာရိုက်တာတစ်ခုက ကိုယ့်ဆီမှာဝင်သွားတယ်။ စီးမျောသွားတယ်။ ဒီဟာကျတော့ ချက်ချင်းကြီး ရက် နှစ်ဆယ်လောက်နဲ့အပြီးရိုက်တဲ့အခါကျတော့ ကိုယ်က အသစ်တစ်ယောက်ဖြစ်တဲ့အတွက် နည်းနည်းတော့အခက်အခဲရှိတယ်။ စီးမျောမှုအပိုင်းနဲ့ပတ်သက်ပြီး ဇာတ်လမ်းတွဲကတော့ ပိုစီးမျောလို့ကောင်းတယ်။
-လွှမ်းပိုင်ရဲ့ အစ်ကိုလို့လဲသိရတယ်။
ဟုတ်ပါတယ်။ လွှမ်းပိုင်က ကျွန်တော့်ညီအရင်းပါ။ တစ်နှစ်ကျော်ကွာပါတယ်။
-သူနဲ့ရော အနုပညာပိုင်းနဲ့ပတ်သက်ပြီး ဘာတွေဆွေးနွေးဖြစ်လဲ။
ဟုတ်ကဲ့။ တိုင်ပင်တာတွေရှိပါတယ်။ ဒီကာရိုက်တာပိုင်းလေးတွေမှာ ဘာတွေလိုနေမလဲ။ အ၀တ်အစားပိုင်းလေးတွေနဲ့ပတ်သက်ပြီး သူ့ကိုပြန်မေးတဲ့ အပိုင်းလေးတွေရှိတယ်။ တိုင်ပင်တဲ့ အပိုင်းလေးတွေလဲ ရှိပါတယ်။
-သူအနုပညာလောကထဲဝင်ပြီးမှ အစ်ကိုစလုပ်တာလား။
ကျွန်တော်ဒီလောကထဲ စရောက်တော့ သူကအဆိုတော်ဖြစ်နေပြီ။ ဒုံးပျံတွေဘာတွေလဲ ထွက်ထားပြီးသွားပြီ။ အဲ့ဒီမှာ ထာဝရမန္တလေး ရိုက်မယ်ဆိုပြီး လူခေါ်လို့ဝင်လျှောက်ရင်းကနေ ဒီလောကထဲကိုရောက်လာခဲ့တာပါ။ ရှေ့မှာ အနုပညာ လှုပ်ရှားမှုအပိုင်းနဲ့ပတ်သက်ပြီး ဘာမှလုပ်ဖူးတာမရှိပါဘူး။
-လွှမ်းပိုင်က အခုလက်ရှိမှာ ဂီတဖက်မှာလဲအောင်မြင်တယ်။ သရုပ်ဆောင်ဖက်ကိုလဲစလုပ်နေပြီဆိုတော့ သူ့ဆီကရော ဘယ်လိုမျိုးအကြံဥာဏ်ပေးမှုတွေရယူဖြစ်လဲ။
သူနဲ့ကစကားပြောဖြစ်တဲ့ အချိန်နည်းတယ်။ သူကလဲပွဲတွေသွား၊ ကားတွေရိုက်ဆိုတော့ အပြင်ထွက်နေတာများတယ်။ ဇာတ်ကားတစ်ခု ရိုက်တော့မယ်ဆိုရင် အ၀တ်အစားပိုင်းလေးတွေ၊ အိုက်တင်ပိုင်းလေးတွေ၊ စကားအပြောအဆို ပိုင်းလေးတွေကို မေးဖြစ်တယ်။ သူကတော့ ကျွန်တော့်ထက် ပိုtalent ရှိတယ်။ ကျွန်တော်ကတော့ အနေအေးတယ်။
-ကိုယ့်အတွက် ဘယ်လိုကာရိုက်တာမျိုးက ခက်ခဲနေမလဲ။
လူငယ်ဆန်ဆန်ပေါ့ပေါ့ပါးပါးဆို ခက်ခဲလိမ့်မယ်။ အပြင်ကာရိုက်တာက အနေအေးပြီး စကားနည်းတဲ့အခါကျတော့လေ။ အဲ့ဒီလိုကာရိုက်တာဆိုလုပ်ရလွယ်တယ်။ အရမ်းကို လူငယ်ဆန်ပြီး သွက်လက်ရမယ်ဆို နည်းနည်းတော့ကျွန်တော့်အတွက် ခက်ခဲပါမယ်။
-လွှမ်းပိုင်နဲ့မတူတဲ့အချက်တွေကရော ဘာတွေဖြစ်မလဲ။
သူကတော့ သီချင်းရေးတတ်တယ်။ သီချင်းဆိုတတ်တယ်။ ကျွန်တော်ကတော့ သီချင်းလဲ မရေးတတ်ဘူး။ သီချင်းလဲမဆိုတတ်ဘူး။ ၀ါသနာတော့ပါပါတယ် ။ဒါပေမဲ့ အခုချိန်မှာတော့ သရုပ်ဆောင်ဖက်ကိုပဲ ဦးစားပေးလုပ်ဖြစ်နေပါတယ်။
Credit :Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
