-အခုလက်ရှိ ရိုက်နေတဲ့ဇာတ်ကားလေးအကြောင်းကို အရင်ပြောပြပေးပါဦး။
အခုရိုက်နေတဲ့ကားလေးက စရိုက်တဲ့။ ဒါရိုက်တာကပြည်ဟိန်းသီဟ၊ မင်းသားက သူရိယပါ။ ကာရိုက်တာလေးကတော့ ညီမကို အစ်ကိုတွေက ၀ိုင်းချစ်ပြီး အလိုလိုက်ခံရတဲ့ကာရိုက်တာ၊ သူရိယက စရိုက်ကြမ်းတယ်။ သူနဲ့ကြိုက်သွားတယ်။ အစ်ကိုတွေက သဘောမတူလို့ပြသနာတွေတက်ကြတယ်။ နောက်ဆုံးနှစ်ယောက်စလုံးသေသွားတယ်ပေါ့။
-ပြီးခဲ့တဲ့သင်္ကြန်ကိုရော ဘယ်လိုဖြတ်သန်းဖြစ်ခဲ့လဲ။
သင်္ကြန်ကတော့ အလုပ်မပါဘူးရှင့်။ နေအရမ်းပူလို့တစ်ရက်ပဲ ထွက်ဖြစ်တယ်။ မဏ္ဍပ်ထိုင်ဖြစ်တယ်ရှင့်။ အလုပ်မပါပဲ သွားတာဆိုတော့ သူငယ်ချင်းတွေလဲအများကြီးပဲဆိုတော့ ပျော်ဖို့ကောင်းတယ်။ ဒါပေမဲ့နေအရမ်းပူတယ်။ အဲ့ဒါတစ်ခုပါပဲ။
-၂၀၁၆မှာရော ပြောင်းလဲမှုအနေနဲ့ယုကို ဘယ်လိုပုံစံနဲ့တွေ့ရဦးမလဲ။
အဓိကကတော့ ကားလေးတွေ ပုံမှန်ရိုက်သွားဖို့ရှိတယ်။ ညီမရဲ့ဗီဒီယိုကားလေးတွေလဲ ဆက်တိုက်ထွက်လာဖို့ရှိတယ်။ ဒါပေမဲ့ တစ်ကားနဲ့တစ်ကားကတော့ ကာရိုက်တာမတူအောင်ညီမတတ်နိုင်တဲ့ဖက်ကနေအကောင်းဆုံးဖြစ်အောင်သရုပ်ဆောင်ထားပါတယ်။
-ကားကြီးအနေနဲ့ရော လက်ခံထားတာမျိုးရှိနေမလား။
ကားကြီးကတော့ သင်္ကြန်မတိုင်ခင်လေးကမှ ကိုခန့်နဲ့အားသစ်နဲ့တက္ကသိုလ်ကျောင်းသူဇာတ်လေး ရိုက်ထားတယ်။ ရှေ့လမှာလဲ ကားကြီးရိုက်ဖို့ပြောထားတာရှိပါတယ်။
-ရာသီဥတုပူတဲ့အတွက် ရှုတင်မှာအခက်အခဲတွေရောတွေ့ရလား။
ပူတဲ့အတွက် အာရုံတော့သိပ်မရဘူး။ အပြင်ထွက်ရိုက်ရတဲ့အခါမျိုးတွေမှာ နေပြင်းတော့ အရမ်းပင်ပန်းတယ်။ ကျန်းမာရေးကို တော့ အပူအအေးမျှအောင် ဂရုစိုက်ဖြစ်တယ်။ ပူလိုက်အေးလိုက်ဖြစ်တဲ့အခါ အပူကန်တာတို့၊ အသံဝင်တာတို့ဖြစ်တတ်တော့ အဲ့ဒီအပိုင်းကိုတော့ ဂရုစိုက်ဖြစ်တယ်။
-သရုပ်ဆောင်တစ်ယောက်လုပ်နေတဲ့အတွက်အခွေတွေရောကြည့်ဖြစ်လား။ ကိုရီးယားကားလေးတွေ ဝေါမှာ share ထားတာတွေ့လို့။
ကြည့်ဖြစ်တယ်ရှင့်။ အဲ့ဒီကားလေး မထွက်ခင်ကတည်းကကြည့်ချင်နေတာ ထွက်တော့လဲ ကြည့်ဖြစ်တယ်။ အဲ့ဒီကားကသူတို့ဆီမှာရော အာရှမှာပါ အရမ်းဟော့နေတဲ့ကားလေးဆိုတော့ ဇာတ်လမ်းလေးကို ကြည့်ဖြစ်တဲ့အချိန်မှာလဲ တစ်ကားလုံး ဟာကွက်မရှိအောင်ရိုက်ထားတာကိုတွေ့ရတယ်။ သဘောကျစရာလဲကောင်းတယ်။ မင်းသားရော၊ မင်းသမီးရော ပါဝင်တဲ့သူတွေရော အားလုံးသရုပ်ဆောင်တာကွက်တိကျတယ်။ ပြီးတော့ ဒီကားလေးမှာအကုန်လုံးလုပ်ပြသွားတာလေးတွေက အားလုံးလိုလိုအတုယူစရာလေးတွေဖြစ်တယ်။ သူတို့ကားလေးတွေကတစ်ကားဆိုတစ်ကားကြည့်ရတာ ရင်ထဲရောက်တယ်။ ကိုရီးယားကားကြည့်ဖြစ်တယ်။ အင်္ဂလိပ်ကားဆိုလဲ အရမ်းနာမည်ထွက်နေတဲ့ကားလေးတွေကြည့်ဖြစ်တယ်။ မြန်မာကားကတော့ ထွက်သမျှလိုလိုကြည့်ဖြစ်ပါတယ်။
-ဟိုတလောကထွက်သွားတဲ့ အချစ်ရေးသတင်းနဲ့ပတ်သက်ပြီး ယုရဲ့စိတ်ခံစားချက်ကဘယ်လိုရှိလဲ။
ညီမတို့လဲဒီသတင်းတွေစစကြားကြားချင်းတုန်းကလဲ ကိုယ်ကလဲကာယကံရှင်မိန်းကလေးတစ်ယောက်ဖြစ်တဲ့အတွက်စိတ်လဲတိုတယ်။ စိတ်မကောင်းလဲဖြစ်တယ်။ တဖြည်းဖြည်းနဲ့ဒီဟာကြီးကကိုယ့်ကိုရည်ရွယ်ချက်ရှိရှိနဲ့တိုက်ခိုက်မှန်းသိရတော့ရယ်လဲရယ်ချင်တယ်။ စိတ်ထဲမှာလဲ ဖျောက်ပစ်လိုက်တယ်။ အဲ့ဒီအတွက်သိပ်ခံစားချက်မထားဘူး။ အများထင်သလိုမျိုးကိုယ်ကပြိုလဲသွားတာလဲမဟုတ်ဘူး။ ရှင်းရှင်းပြောရရင် ညီမတို့အချစ်ရေးကလဲအေးအေးဆေးဆေးပဲ။ လူသိရှင်ကြားထုတ်ပြစရာမလိုသေးလို့ထုတ်မပြတာပဲရှိတာ။ အဲ့ဒီအပေါ်မှာညီမတို့ဘာမှပြောစရာတော့မရှိပါဘူး။ အဓိကကတော့ ကိုယ့်ဟာကိုယ်နေလဲ ဒီလိုမျိုးတိုက်ခိုက်တဲ့သူရှိတယ်လို့ကိုယ့်ကိုကိုယ်သိရတာပေါ့။ နောက်လဲသတိရှိသွားတာပေါ့။ အဓိကကတော့ ခေတ်ကြီး အရမ်းပွင့်လင်းလာတော့ နည်းပညာတွေရဲ့ကောင်းခြင်းဆိုးခြင်းကို ခံရတာပေါ့။ ညီမတို့ဒီလိုဖြစ်တယ်ဆိုတာလဲ ညီမတို့နှစ်ယောက်စလုံးဒီလိုမျိုး ပြောတော့ လူတွေကလဲ သို့လောသို့လောဖြစ်သွားတယ်။ ဒါပေမဲ့ ညီမတို့မဖြေရှင်းရသေးခင်မှာပဲ ဒီကောလဟလတွေကို ညီမတို့နဲ့ပတ်သက်တဲ့ ပတ်ဝန်းကျင် Fan တွေကလဲ ၀ိုင်းရှင်းပြပေးကြတဲ့အတွက် နားလည်တဲ့သူတွေလဲနားလည်ကြတယ်။ နားမလည်တဲ့သူတွေလဲကိုယ့်အပေါ်မှာအထင်လွဲတာရှိချင်ရှိမယ်။ ဒါကတော့ ကိုယ့်ကိုသဘောကျတဲ့သူကတော့ လက်ခံပေးမယ်။ ကိုယ့်ကိုမုန်းတဲ့သူကတော့ ဆက်ပြီးမုန်းနေမှာပဲ။ အဲ့ဒါကြောင့် ကိုယ့်အလုပ်ကိုဆက်လုပ်ပြီး ကိုယ်သက်သေပြဖို့ပဲရှိတယ်။ ကျန်တာတွေအားလုံးကတော့ အချိန်ကပဲစကားပြောသွားမှာပါ။
-အနုပညာသက်တမ်းငါးနှစ်အတွင်းမှာ ယုကဘယ်တော့မှ ကောလာဟလမထွက်တဲ့ မင်းသမီးထဲမှာပါတယ်ပေါ့။ အခု ၂၀၁၆ မှာမှ ထူးထူးခြားခြားထွက်လာတဲ့ ကောလာဟလအပေါ်ယုရဲ့ အမြင်ကဘယ်လိုမျိုးရှိလဲ။
ရုတ်တရက်ကျတော့ ကိုယ်လဲစိတ်လဲတိုတယ်။ စိတ်မကောင်းလဲဖြစ်တယ်။ ဒါပေမဲ့ ရည်ရွယ်ချက်ရှိရှိ လုပ်ကြံမှန်းလဲသိရော စိတ်မကောင်းဘူးပေါ့။ ဒါပေမဲ့လဲ ဘာမှမဖြစ်ပါဘူး။ ကိုယ့်ထက်ရှေ့မှာ ရောက်နေတဲ့ ၀ါရင့်အနုပညာရှင်တော်တော်များများလဲ တိုက်ခိုက်ခံရတာပဲဆိုတော့ ရှင်းရှင်းပြောရရင်သူများနဲ့ယှဉ်ပြောရင် ကိုယ့်ကိုတိုက်ခိုက်တဲ့ တိုက်ခိုက်မှုက ကိုယ်ဘ၀ပျက်လောက်အောင်ထိ ကိုယ်လူကြားထဲခေါင်းမဖော်နိုင်လောက်အောင်ထိမှားတဲ့အမှားမျိုးမဟုတ်တဲ့အတွက်ဘာမှမဖြစ်ဘူး။ ကိုယ်မဟုတ်တဲ့အတွက် လိပ်ပြာသန့်ပါတယ်။
-ဒီဖြစ်ရပ်မှာဆို ယုအနေနဲ့ပရိသတ်မုန်းတာကိုပိုခံရတယ်ပေါ့။ ဒါနဲ့ပတ်သက်ပြီးဘယ်လိုမျိုးလေးပြန်ပြောပြချင်လဲ။
အဲ့ဒါကိုကြည့်ခြင်းအားဖြင့် ညီမကိုရည်ရွယ်ပြီး တိုက်ခိုက်မှန်းသိသာတယ်လေ။ ပြီးတော့ အဓိက တိုက်ခိုက်တဲ့သူမှားသွားတာက ညီမတို့တွေ အဆင်မပြေဘူးထင်ပြီး ဖွတာ။ ဒါပေမဲ့ညီမတို့တွေကအရမ်းအဆင်ပြေနေတယ်။
-အိမ်ကရော ဒီဖြစ်ရပ်နဲ့ပတ်သက်ပြီးဘယ်လိုမျိုးသုံးသပ်ပေးလဲ။
ညီမဆို အိမ်ကလာပြောမှ သိတာ။ ဒါပေမဲ့ညီမမိဘတွေက ညီမဖက်က အမြဲရပ်တည်တယ်။ ဘာကြောင့်လဲဆိုတော့ အိမ်မှာက ညီမတို့မိဘတွေက မိသားစုဆိုတာထက် သူငယ်ချင်းလိုပေါင်းတာမျိုးဆိုတော့ ညီမမိဘတွေဆွေမျိုးအသိုင်းအ၀ိုင်းတွေအားလုံးက ညီမဖက်ကနေရပ်တည်ကြပါတယ်။ ညီမတို့လဲ အကျယ်တ၀င့် အများကြီးမရှင်းပြဘူးဆိုတာ လူတိုင်းကိုလိုက်ရှင်းပြနေရင် ကာဗာလုပ်သလိုဖြစ်နေမှာစိုးလို့ညီမနဲ့ပတ်သက်တဲ့အသိုင်းအ၀ိုင်း၊ ညီမကိုသိတဲ့သူတွေအကုန်လုံးကညီမက ဘယ်လိုပုံစံရှိတယ်။ ဘယ်လိုစိတ်နေစိတ်ထား ရှိတယ်ဆိုတာကို သိပြီးသားပါ။ ဟန်ဆောင်နေတာလား။ လုပ်ယူနေတာလားဆိုတာ သူတို့သိပြီးသားဖြစ်တဲ့အတွက် ဘာမှမဖြေရှင်းတော့တာပါ။ ဖြစ်စတုန်းကတော့ ကိုယ်ကကောင်းကောင်း အဆဲခံလိုက်ရတယ်။ ဒါပေမဲ့အခုနားလည်သွားကြတော့သိပ်တော့ အရမ်းမဟုတ်တော့ပါဘူး။
-ဒီဖြစ်ရပ်နဲ့ပတ်သက်ပြီးဘယ်လိုမျိုးသင်ခန်းစာရသွားလဲ။
ထူးထူးခြားခြားပြောရရင် နှစ်စမှာကိုယ်က ထီပေါက်သွားတယ်ပေါ့။ ဒီဟာအပေါ်မှာ သင်ခန်းစာယူပြီးနောက်ထပ် ကိုယ်လုပ်ရမဲ့အလုပ်တွေမှာ ဘယ်ဟာဆိုရင်ဆင်ခြင်သင့်တယ်။ ဘယ်လိုအရာမျိုးကိုဘယ်လိုအားထည့်ပြီးလုပ်ဆောင်သင့်တယ်။ နောက်တစ်ခုကောင်းတာက သူတို့ရဲ့တိုက်ခိုက်မှုကကိုယ့်အလုပ်အတွက်ခွန်အားတစ်ခုလဲဖြစ်စေတယ်။ ကိုယ့်စိတ်ကူးတွေလဲပြောင်းသွားပါတယ်။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
