-ခုဆယ်တန်း စာမေးပွဲပြီးသွားပြီဆိုတော့ ဘာတွေဆက်လုပ်သွားဖို့ရှိလဲ။
မိသားစုနဲ့ဘန်ကောက်သွားဖို့ရှိပါတယ်။ ပြီးရင်တော့ ရန်ကုန်ပြန်ရောက်တဲ့အခါ အနုပညာအလုပ်တွေပဲဆက်လုပ်သွားမှာပါ။
-သင်္ကြန်အစီအစဉ်ကရော ဘယ်လိုရှိလဲ။
အခုချိန်ထိကတော့ မသိသေးဘူး။ စာမေးပွဲပြီးတာလဲမကြာသေးတော့ဘယ်သူမှတော့ ဘာမှပြောထားတာမရှိသေးဘူး။ ဒါပေမဲ့အနားနီးလာရင်တော့ သိရမယ်ထင်ပါတယ်။ တခါတလေကျရင်လဲ မပြောထားပဲနဲ့ အိစိရေလာခဲ့ပါအုံးဆို ပြေးရတာမျိုးလဲရှိတော့လေ။ အခုလောလောဆယ်ကတော့ အသေအချာမသိရသေးပါဘူး။
-ဆယ်တန်းတစ်နှစ်လုံး စာတွေနဲ့လုံးပန်းခဲ့တာဆိုတော့ စာမေးပွဲပြီးသွားတဲ့အချိန်မှာရော ဘယ်လိုခံစားရလဲ။
နည်းနည်းတော့ပျင်းဖို့ကောင်းသွားတယ်။ အရင်နေ့တွေကဆို မနက် လေးနာရီကနေ ည ၁၁ ထိကတောက်လျှောက်စာပဲလုပ်နေရတာဆိုတော့ အလေ့အထကြီးလိုဖြစ်သွားတယ်။ စာမေးပွဲလဲပြီးသွားရော မနက်ဆို လေးနာရီလောက်ကတည်းကနိုးနေတယ်။ ဘာလုပ်လို့လုပ်ရမှန်းလဲမသိဘူး။ ပြန်အိပ်လို့ကလဲမရဘူး။ အဲဒ့ါကြောင့် ဘုရားထရှိခိုး၊ ရေမိုးချိုး ၊ ထမင်းစားပြီး ပြန်အိပ်ပေါ့။ အဲ့ဒီလိုလုပ်ရတယ်။ တော်တော်လေးတော့ ဟာတာတာကြီးဖြစ်သွားတယ်။ ကိုယ်ကအမြဲတမ်းတစ်ခုခုကိုလုပ်နေရမှကျေနပ်တဲ့သူဆိုတော့ စာမေးပွဲပြီးသွားတော့တစ်မျိုးကြီးပဲ။ အသုံးမကျသလိုကြီးဖြစ်နေတယ်။
-ဆယ်တန်းပြီးသွားပြီဆိုတော့ သင်တန်းအနေနဲ့ဘာတွေဆက်တက်ဖို့ရှိမလဲ။
ဟုတ်။ သင်တန်းကတော့ အင်္ဂလိပ်စာနဲ့ပတ်သက်တာတွေလေ့လာဖို့ရှိတယ်။ ဘာလို့လဲဆိုတော့ အနုပညာအလုပ်လုပ်မယ်ဆိုကတည်းက အခုနောက်ပိုင်းက ဘယ်လိုပဲဖြစ်ဖြစ် ပွင့်လင်းလာပြီ။ နိုင်ငံခြားသားတွေအားလုံးကလဲ ဒီဖက်ကိုလာပြီး စပ်တူလုပ်တာတွေလဲရှိလာပြီဆိုတော့ ကိုယ်တွေဖက်က အင်္ဂလိပ်ကောင်းကောင်းပြောနိုင်၊ လုပ်နိုင်မှအဆင်ပြေမယ်လို့ထင်တယ်။
-ပညာရေးနဲ့ပတ်သက်တဲ့ မျှော်မှန်းချက်ကရော ဘယ်လိုရှိလဲ။
အိစိငယ်ငယ်လေးကတည်းက ရေကြောင်းတက်ချင်တာပေါ့။ ဒါပေမဲ့လဲ အခုချိန်မှာပြန်စဉ်းစားကြည့်တော့ ရေကြောင်းတက်ပြီး ဘွဲ့ရတဲ့အခါ အဲ့ဒီဖက်ကိုဘာမှဆက်လုပ်နိုင်မှာမဟုတ်ဘူးဆိုတော့ အဓိက အနုပညာနဲ့ပတ်သက်တာလေးတက်ချင်တယ်။ နောက်စီးပွားရေးနဲ့ပတ်သက်တာတစ်ခုခုတက်ထားလိုက်ရင် အကောင်းဆုံးဖြစ်မယ်နဲ့တူတယ်။ အနုပညာအလုပ်က ထာဝရတည်မြဲမယ်လို့မပြောနိုင်ဘူးလေ။ တစ်ချိန်ကျရင်အသစ်အသစ်တွေပေါ်လာတဲ့အခါ ကိုယ်ကဖယ်ပေးရမှာပဲဆိုတော့ အခုကတည်းက စီးပွားရေးနဲ့ပတ်သက်ပြီး လေ့လာထားချင်တဲ့သဘောပါ။ အဲ့ဒါကြောင့် အနုပညာကရတဲ့ငွေလေးနဲ့ဒီဖက်မှာစီးပွားရေးလေးလုပ်ထားလိုက်မယ်ဆို အသက်ကြီးတဲ့အခါ ရုပ်ရှင်မရိုက်နိုင်တော့တဲ့အခါ ကိုယ့်အတွက်အကျိုးပြုမယ်လို့ထင်ပါတယ်။
-စာမေးပွဲဖြေတုန်းက စီးတဲ့ဖိနပ်နဲ့ပတ်သက်ပြီး လူမှုကွန်ယက်ပေါ်မှာ တော်တော်များများရဲ့ ဝေဖန်မှုကိုခံရတာနဲ့ပတ်သက်ပြီး ဘယ်လိုခံစားရလဲ။
ဘယ်လိုပြောရမလဲ။ စိတ်ထားကောင်းရင်ကံကောင်းပါတယ်။ အဲ့ဒီအချိန်အတွင်းမှာကလဲ ကိုယ်ကဘုရား၊ တရား လုပ်လိုက်၊ အမေနဲ့ပဲ အနီးကပ်နေနေရတော့ စိတ်ထဲမှာ ဘာမှမဖြစ်ဘူး။ ကိုယ်ကရယ်တောင်ရယ်လိုက်သေးတယ်။ သူတို့က troll တဲ့အဆင့်ထိတောင်ရောက်သွားတာဆိုတော့ ကိုယ်ကရယ်လိုက်တယ်။ သူတို့ကိုကဲ့ရဲ့ပြီးရယ်တာလဲ မဟုတ်ဘူး။ ဒါသူတို့အမြင်ပေါ့လေ။ သူတို့ကကိုယ့်ကိုဝေဖန်တာထက် အကြံဥာဏ်ပေးတယ်လို့ပဲသဘောထားလိုက်တယ်။ ဒါကိုယ်နဲ့မလိုက်လို့လဲဖြစ်ချင်ဖြစ်မယ်။ သဘောကျတဲ့လူတွေကျတော့လဲ သဘောကျလိမ့်မယ်ပေါ့။ ပြီးတော့ ဒီဖိနပ်စီးဖြစ်သွားတယ်ဆိုတာကလဲ မန္တလေး မြပန်းချီက စပွန်ဆာပေးလို့ပါ။ အမြဲတမ်းတော့မစီးပါဘူး။ ပွဲတက်ပုံစံပုံတော်ဖိနပ်ပါပဲ။ မင်္ဂလာဆောင်တို့ဘာတို့ဆိုလဲတချို့တွေ စီးကြတယ်။ ကိုယ်ကလဲသူတို့ပေးထားတာကြောင့်ရယ်၊ နောက်ပြီး ပုံစံအသစ်လေးတွေထွက်တိုင်း စီးပေးနေကြဆိုတော့ စာမေးပွဲသွားဖြေမှာပဲ၊ ပြီးတော့လဲ ဖိနပ်အသစ်ဝယ်ထားတာလဲမရှိတဲ့အတွက် ပုဆိုးနဲ့အင်္ကျီအဖြူဝတ်ပြီးသွားဖြေရမှာပဲ ဘာမှမဖြစ်လောက်ပါဘူးဆိုပြီး စီးသွားလိုက်တာပေါ့။ ဒါပေမဲ့ ပေါ်ပြူလာနဲ့ Myanmar celebrity ကဓာတ်ပုံရိုက်ပြီးတင်လိုက်တဲ့အခါပျံ့သွားတာပေါ့။ ကိုယ်ကစာမေးပွဲဖြေနေရတယ်ဆိုတော့ ဘာမှတော့မဖြစ်ဘူး။ သူတို့နဲ့အတူတူရယ်နေရတာပေါ့။ အားပေးတဲ့သူရှိသလို မုန်းတဲ့သူလဲရှိတယ်လေ။ ဒါကတော့ ဒွန်တွဲနေတာပေါ့။ အကောင်းလဲရှိသလို၊ အဆိုးလဲရှိမယ်။ ကိုယ့်ကိုချစ်တဲ့သူရှိသလို မုန်းတဲ့သူလဲရှိမယ်။ ကျွန်တော်ကတော့ ဘာမှမပြောလိုပါဘူး။ မုန်းတဲ့သူဆိုရင်လဲ အကြံပေးတာတစ်မျိုးလို့ပဲမှတ်ယူလိုက်တယ်။ စကားအနေအထားလေးပဲ ကွဲလွဲသွားတာပါ။ ဒါတွေကကိုယ့်ကိုကောင်းစေချင်လို့ပြောတယ်လို့ပဲမှတ်ယူပါတယ်။ သေချာခြေဆုံး၊ ခေါင်းဆုံးလိုက်ကြည့်ပြီးပြောတယ်ဆိုကတည်းက ကျွန်တော့်ကို အကြံဥာဏ်ပေးတယ်လို့ပဲစိတ်ထဲမှတ်ယူပါတယ်။ ဘာလို့လဲဆိုတော့ လူတစ်ယောက်ကဝေဖန်ခံရတဲ့စကားတွေမရှိဘူးဆိုရင် တိုးတက်မှာမဟုတ်ပါဘူး။ လူတစ်ယောက်မှာ မခံချင်တဲစိတ်ဆိုတာလဲရှိတယ်။ ဝေဖန်တာကိုလဲ လက်ခံနိုင်ရမယ်။ အိစိတို့လို အနုပညာသမားတွေပဲဖြစ်ဖြစ် ဘယ်သူမဆို ဝေဖန်တဲ့စကားတွေဆိုတာ ရှိသင့်တယ်။ ကိုယ်ကောင်းတယ်။ မကောင်းဘူးဆိုတာ ကိုယ်ကိုတိုင်မသိနိုင်ဘူး။ ကိုယ်ကတော့ ကိုယ့်စိတ်ကူးထဲကအတိုင်းနေမှာပဲ။ အပြင်လူတစ်ယောက်အနေနဲ့ကိုယ့်ကိုမင်းဒါအဆင်မပြေဘူး။ ဒါအဆင်မပြေဘူး။ သူတို့ပြောပေးသလိုပဲ။ အဲ့ဒါကို အကောင်းဆုံးအကြံဥာဏ်အနေနဲ့အသုံးချပြီး နောက်အဲ့ဒီလိုမဖြစ်အောင် စဉ်းစားထားတာတော့ရှိပါတယ်။ သူတို့ကိုအပြစ်မြင်တာမျိုးတွေလဲ မရှိပါဘူး။ အကုန်လုံးကိုတောင်ကျေးဇူးတင်ပါသေးတယ်။ ကိုယ့်ကိုအဲ့ဒီလိုဝေဖန်တာတွေမရှိမှာတောင်ကြောက်နေတာပါ။ ကွန်မန့်တွေလဲကြည့်တယ်။ ၀င်ဖတ်တယ်။ like လဲလုပ်ပေးပါတယ်။ ရွဲ့တာလဲမဟုတ်ပါဘူး။ ဒါကသူတို့ဆီကထွက်လာတဲ့ အမှန်တရားတစ်ခုပါပဲ။ သူတို့မျက်လုံးထဲမှာ မြင်တဲ့ အမှန်တရားကိုသူတို့ပြောတာပဲလေ။ ဒါကိုကိုယ်ကလက်ခံရမှာပေါ့။ သူတို့ပြောပြတာကို ကိုယ်လေးစားရမယ်။ ကိုယ်ဆင်ခြင်ရမှာပေါ့။
-အဲ့ဒီဖိနပ်ကိုရော စီးဖြစ်သေးလား။
စီးဖြစ်ပါတယ်။ အမေကတောင်ပြောသေးတယ်။ သားရယ်ဘာမှမဖြစ်ပါနဲ့ဆိုပြီး တစ်နေ့တစ်ရောင်တောင်ပြောင်းစီးခိုင်းတာ၊ ကျောင်းမှာအပြောခံရတာတွေလဲရှိပါတယ်။ စာမေးပွဲကို အဲ့ဒီလိုဖိနပ်ကြီးနဲ့လာဖြေတာ တော်ရုံတန်ရုံစကေးနဲ့မရဘူးတို့ပြောကြတယ်။ ဒါပေမဲ့ကိုယ်ကတော့ ဘာမှမဖြစ်ပါဘူး။ ဘုရားသဘော၊ တရားသဘောနဲ့ကြည့်ရင် စိတ်ထားကောင်းရင် ကံကောင်းမယ်ပေါ့။ သူတို့ပြောတာကိုလဲ ကိုယ်ကနားလည်သည်းခံခွင့်လွှတ်ပေးလိုက်မယ်။ ကိုယ်ကလာပြီးရန်ရှာရင်တောင်ပြုံးပြလိုက်ရင် ငြိမ်းအေးသွားတာပဲဆိုတော့ ပြန်ပြီးရန်မဖြစ်ပဲနဲ့မေတ္တာပဲထားပါတယ်။ ကိုယ့်ရဲ့မေတ္တာကသူတို့ကိုရောင်ပြန်ဟပ်မှာပါ။
-ဖိနပ်စီးတာအပြင် တချို့တွေ share တဲ့ caption တွေမှာ ရိုင်းရိုင်းစိုင်းစိုင်းတွေရေးတာမျိုးတွေ့ရတယ်။ မောင်လေးရောတွေ့ဖြစ်သေးလား။
ဟုတ်။ အမျိုးမျိုးတော့ပြောကြတာပါပဲ။ နားလည်မှုလွဲကြတာတွေတအားများတယ်။ မိန်းကလေးကိစ္စတွေဆိုပိုဆိုးတယ်။ ကိုယ့်ဟာကိုယ်အေးအေးဆေးဆေးနေတယ်။ သူတို့ကိုအပြစ်ပြောတာတော့မဟုတ်ဘူး။ အိစိမှာ မိန်းကလေး fan ပိုများတယ်။ သူတို့ကစကားလာပြောကြတယ်။ အဲ့ဒီလိုဆို ကောင်းကောင်းပဲပြန်ပြောတယ်။ အိစိက အစကတည်းက တစ်ယောက်တည်းသမားဆိုတော့ အဖော်တအားမက်တယ်။ ကိုယ်အရမ်းခင်ပြီဆိုရင် အခေါ်အဝေါ်တွေကအစပြောင်းပြီး အရမ်းကို ရင်းရင်းနှီးနှီးပေါင်းတာပေါ့။ အဲ့ဒီလိုမျိုးကျတော့ သူတို့ရဲ့ ကောင်လေး တွေကကိုယ့်ကိုဘယ်လိုမြင်တယ်မသိဘူး။ သူတို့ကိုကြောင်တယ်ပေါ့။ အဲ့ဒီလိုတော့ထင်မှာပေါ့လေ။ ပြသနာဖြစ်တိုင်းလဲကျွန်တော်ပြန်ရှင်းပေးတယ်။ တချို့မိန်းကလေးတွေဆိုလဲ ပြန်ရှယ်ပေးကြတယ်။ သို့သော်ငြားလည်း တော်တော်များများက ပြန်ရှင်းပေးတာကို စိတ်မ၀င်စားကြဘူး။ ပြန်ရှင်းပေးတာကို ရှယ်တဲ့သူသိပ်မရှိကြဘူး။ နာမည်ဆိုးတစ်ခုကိုပဲ ထပ်ခါထပ်ခါရှယ်နေကြတယ်။ ကိုယ်ကတော့ ဘာမှမပြောလိုပါဘူး။ ဒီစကားတွေကလဲ ကိုယ့်ဘ၀ဖြစ်လာမှာမဟုတ်ဘူး။ သူတို့ပြောလိုက်တဲ့စကားကြောင့်လဲကိုယ့်ဒီလောကကနေ ရပ်တန့်လိုက်ရမှာမဟုတ်ဘူး။ သူတို့လဲသူတို့ဘ၀သူတို့လုပ်ရမှာ၊ ကိုယ်လဲကိုယ့်ဘ၀ကိုယ်လုပ်ရမှာ လူလူချင်းအတူတူသွားတယ်ဆိုပေမဲ့ ရည်မှန်းချက်ချင်းမတူဘူး။ ရည်ရွယ်ချက်ချင်းမတူဘူး။ သွားတဲ့လမ်းချင်းမတူဘူးဆိုတော့ သူတို့စိတ်ထဲမှာတော့ ကိုယ့်ကို အကောင်းမြင်ချင်လဲမြင်မယ်။ မမြင်ချင်လဲမမြင်ဘူးပေါ့။ အဓိကကတော့ လူတစ်ယောက်စင်းလုံးချောကောင်းဖို့ဆိုတာကတော့ မဖြစ်နိုင်ဘူးလေ။ ဘယ်သူမဆိုကတော့ အပြစ်အနာအဆာဆိုတာရှိမှာပဲ။ ပြည့်စုံတယ်ဆိုတာဘယ်သူမှမရှိပါဘူး။ အိစိကိုယ်တိုင်လဲ မှားခဲ့တာမျိုးရှိရင်ရှိမှာပဲ။ အဲ့ဒါကလဲ ရင့်ကျက်မှုမရှိသေးတဲ့ ကိုယ့်ရဲ့ ငယ်နေသေးတဲ့ အသက်အရွယ်ကြောင့် ကျွန်တော့်အသက်က အခုချိန်မှာ ၁၆ နှစ်ပဲရှိသေးတယ်လေ။ သူတို့လိုအသက်တွေနဲ့ယှဉ်လို့တော့မရဘူးပေါ့။ ကျွန်တော့်ကိုဝေဖန်တဲ့သူတော်တော်များများ ကကျွန်တော့်ထက်ကြီးတာများပါတယ်။ သူတို့ကိုပြန်ပြောချင်စိတ်လဲမရှိပါဘူး။ သူတို့အထင်လွဲနေတဲ့ ကိစ္စတစ်ခုကို တစ်ယောက်ချင်းစီလိုက်ဖြေရှင်းဖို့ဆိုတာမဖြစ်နိုင်ဘူးလေ။ အဲ့ဒါနဲ့ပတ်သက်ပြီး အဲဒီလောက်ကြီးလိုက်မရှင်းတော့ဘူး။ သိခုနှစ်ရက်၊ မသိခုနှစ်ရက်ပဲလေ။ သဘောကျတဲ့သူလဲရှိသလို၊ မနာလိုတဲသူ၊ ကဲ့ရဲ့တဲ့သူတွေလဲရှိမှာပဲ။ အမျိုးမျိုးရှိမှာပဲ။ သူတို့ကိုအပြစ်ပြောတာ၊ တုံ့ပြန်တာမျိုးလဲမရှိပါဘူး။ ကိုယ့်အလုပ်လေးပဲပုံမှန်လုပ်သွားပါတယ်။ ကိုယ်ကအနုပညာအလုပ်လုပ်နေတာ အဲဒါကြောင့် အနုပညာပိုင်းကနေဆက်အားပေးပါ။ personal ကိစ္စကတော့ ဘယ်သူမဆိုကတော့ အထင်လွဲတာကတော့ လူတိုင်းဖြစ်နေကြပါပဲ။ အဲ့ဒါမျိုးအတွက်ကတော့ သီးသန့်လိုက်ရှင်းပေးတာမရှိပါဘူး။ ရေးကြ၊ ပြောကြပါစေ။ ကိုယ်တကယ်ဟုတ်လား။ မဟုတ်လား။ ကိုယ်ပဲသိတယ်။ ကိုယ်တကယ်ကျူးလွန်မိလား၊ မကျူးလွန်မိလားဆိုတာ ကိုယ့်ကိုယ်စောင့်နတ်သိတယ်။ ဘုရားသိတယ်။ နတ်သိတယ်။ အဲ့ဒီတော့ကိုယ့်ဖက်ကမှန်နေသရွေ့ကတော့ ကိုယ်ဘာမှမဖြစ်သွားဘူး။ ဘာမှလဲမထိခိုက်ဘူး။ သူတို့ပြောတဲ့သူတွေရှိမယ်။ ပြောမှာပဲလေ။ အစားအစာတစ်ခုကိုတောင် လူတိုင်းမကြိုက်နိုင်တာ လက်တောင်မှငါးချောင်းကမညီဘူးလေ။ အဲ့ဒါအတွက်ကတာ့ အိစိစိတ်ထဲသိပ်မထားပါဘူး။ ကိုယ့်ဖက်ကမေတ္တာတရားလေးထားပြီး အကောင်းဆုံးဆက်ကြိုးစားသွားပါမယ်။
-အဲ့ဒီလိုဝေဖန်မှုတွေကြောင့် ဆင်ခြင်လိုက်တာမျိုးရှိလား။
လူပဲဗျ။ တစ်ခါတစ်လေကျရင်တော့ပေါက်ကွဲတာမျိုးရှိပြီးဘယ်သူနဲ့မှစကားမပြောတာမျိုးလုပ်တတ်တယ်။ ဒါပေမဲ့သူတို့ကကိုယ့်ရဲ့ fan တွေပဲလေ သူတို့ကိုပစ်ပယ်လို့မကောင်းဘူး။ ငယ်ငယ်လေးကတည်းက သူတို့အားပေးလို့ကိုယ်ကဖြစ်လာခဲ့တာဆိုတော့ ယောကျာ်းလေးထဲမှာအိစိကိုသဘောကျတဲ့သူလဲရှိတယ်။ သဘောမကျတဲ့သူလဲရှိတယ်။ အိစိကတော့ ဘာမှမဖြစ်ပါဘူး။ သူတို့ကဘာဖြစ်တယ်။ ငါကဘာဖြစ်တယ်ဆိုပြီး မနှိုင်းယှဉ်ဘူး။ ကိုယ့်အခြေအနေကိုယ်သိတယ်။ ဆင်ခြင်လိုက်သလားဆိုတော့ လူတွေကို တော်ရုံ မယုံတတ်တာမျိုးဖြစ်သွားတယ်။ တခါတလေကိုယ်လုပ်မဲ့အရာလေးတွေကိုပြောပြချင်တာရှိတယ်။ အိမ်ကမိဘတွေကျတော့ သူတို့အလုပ်နဲ့သူတို့မအားဘူး။ အဲ့ဒီအခါကျတော့ သူငယ်ချင်းတွေကိုပြောပြဖြစ်တယ်။ နားလည်တဲ့သူရှိသလို၊ နားမလည်တဲ့သူလဲရှိတယ်။ အခုနောက်ပိုင်းတော့ ဆင်ခြင်သွားတယ်။ ရည်းစားရှိတဲ့သူဆို သိပ်စကားမပြောတော့ဘူး။ ဘာလို့လဲဆိုတော့ နားလည်မှုတွေတအားလွဲတယ်။ ကိုယ်ကနည်းနည်းလေးစကားပြောလိုက်ပြီဆိုတာနဲ့သူတို့မှာကိုယ့်ကိုဘယ်လိုမြင်သွားလဲဆိုတာမသိနိုင်ဘူး။ ဒါကတော့ ဖြစ်တတ်ပါတယ်။ သူတို့လဲသူတို့gf ကိုချစ်ကြမှာပဲလေ။ အပါမခံတဲ့စိတ်။ သ၀န်တိုတဲ့စိတ်ကတော့ အိစိလဲနားလည်ပါတယ်။ ဒါပေမဲ့တစ်ခါတစ်လေကိုယ့်ဖက်ကို atrack လုပ်တာမျိုးတွေဆို ဥပေက္ခာပြုလိုက်တယ်။ ဘာလို့လဲဆိုတော့ ဆယ်တန်းဖြေနေရင်းနဲ့လဲကြုံဖူးတယ်။ ဖြေနိုင်လားဆိုတော့ ဟုတ်ကဲ့။ ဖြေနိုင်ပါတယ်ခင်ဗျ ကျေးဇူးတင်ပါတယ်လို့ပဲပြောရသေးတယ်။ သူ့ကောင်လေးကအောက်ကနေလာပြောတာတွေလဲရှိတယ်။ အဲ့ဒီတော့ကျွန်တော်စာမေးပွဲဖြေနေတာကျွန်တော့်ကို အာရုံမနောက်ပါနဲ့ဆိုပြီး ပြောလိုက်တယ် ။သူ့ကို block ပေးပါတဲ့။ ကျွန်တော် ကျွန်တော့်ပရိသတ်တစ်ယောက်ကိုတော့ block မှာမဟုတ်ဘူး။ block ချင်ရင်ကျွန်တော့ကိုပဲ Block ပေးပါလို့ပုံမှန်လေးပဲပြန်ပြောလိုက်တယ်။ ခံနေကြမို့လို့လားမသိဘူး။ ရိုးနေပြီ။ ၈တန်းလောက်ကတည်းက အပြောအဆိုခံလာရဆိုတော့ ကြာလာတော့ အရေထူသွားတယ်ပဲပြောရမှာပေါ့။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
