ဖက်ရှင်ဆိုတဲ့ စကားလုံးကြားလိုက်တာနဲ့ ကောင်မလေးတွေကိုပဲ ပြေးမြင်ကြတာ အကျင့်ဖြစ်နေကြတယ်။ ဟုတ်တော့လည်း ဟုတ်ပါတယ်။ မိန်းကလေးတွေက အလှ ကြိုက်တာကိုး။ အလှ ကြိုက်တတ်သလို ဘယ်လို လှအောင် နေရလဲ၊ ဘယ်လောက် အားထုတ်ရလည်း ဆိုတာလည်း သိကြတယ်။ ဒါကြောင့် သူတို့ကို ဆွဲဆောင်နိုင်ဖို့၊ သူတို့ ဂရုပြုပြီး သတိထားမိစေချင်တယ်ဆိုရင် အရေးကြီးတာက ယောက်ျားဆန်ဆန်နဲ့ ဖက်ရှင်ကျနေရင် ချက်ချင်း မှတ်မိတယ်၊ သဘောကျတတ်ကြပါတယ်။ ပြောရရင် အများကြီးရှိတယ်ဆိုပေမယ့် ဒီမှာ ( ၅ ) ချက် ဖော်ပြပေးထားပါတယ်။
(၁) ဈေးကြီးတဲ့ နာရီကောင်းကောင်းတစ်လုံး
အမျိုးသားတွေ ကြည့်ကောင်းသွားစေဖို့ မရှိမဖြစ်လိုအပ်တဲ့ အရာတစ်ခု ဖြစ်ပါတယ်။ ဝတ်ထားတဲ့နာရီကို ကြည့်ပြီး ကောင်မလေးတွေက သင့်အကြောင်းကို အတော်အတန် အဖြေထုတ်တတ်ကြတာမို့ မဝယ်ခင် သေချာရွေးဖို့ လိုတာပေါ့။ နာမည်ကြီး နာရီတစ်လုံးလောက်တော့ ပစ်ဝယ်လိုက်ပါ။ ကိုယ်နဲ့ လိုက်ဖက်မယ့် ဒီဇိုင်းနဲ့ အမျိုးအစား၊ အရောင်ကိုပါ အချိန်ပေးရွေးချယ်စေချင်ပါတယ်။
(၂) အဖြူရောင် ရှပ်အင်္ကျီ
စိတ်ထဲမှာ မရေမရာဖြစ်နေရင် အဖြူရောင်ရှပ်အင်္ကျီကိုသာ ဝတ်သွားပါ။ အဖြူရောင် ရှပ်အင်္ကျီက မိန်းကလေးဖြစ်ဖြစ် ယောက်ျားလေးဖြစ်ဖြစ် အားလုံးနဲ့လိုက်ဖက်တဲ့ အကောင်းဆုံး ရွေးချယ်မှုတစ်ခု ဖြစ်ပါတယ်။ နည်းနည်းအေးတဲ့ ရာသီဥတုဆိုရင် သားရေဂျာကင် တစ်ထည်လောက် အပေါ်ကနေ ထပ်ဝတ်လိုက်ပါ။ မအေးဘူး သေအောင်ပူလို့ပါ ဆိုရင်တော့ ရှပ်အင်္ကျီရဲ့ အပေါ်ဆုံးကြယ်သီးတစ်လုံးသာ ကောက်ဖြုတ်ပြီး ဟထားလိုက်တော့။ ဒီလို အလန်းဇယား စတိုင်လ်မျိုးဆို မြင်တာနဲ့ မနေနိုင်ဘဲ အသည်းတွေ ယားတတ်လွန်းလို့ပါ။
(၃) အင်္ကျီ လက်ခေါက်တင်ထားတဲ့စတိုင်လ်
မိန်းမတွေ အကြိုက်ဆုံး အင်္ဂါအစိတ်အပိုင်းက ဘာနေရာဖြစ်မလဲ သိချင်လား။ တစ်လွဲ တွေးနေမှာစိုးလို့ ပြောပြပါ့မယ်။ သူတို့ တစ်ချိန်လုံး တွဲထားချင်တဲ့ အဲင်္ဒီ မာတောင်ဖုထစ်နေတဲ့ ကြွက်သားကြီးတွေနဲ့ လက်မောင်းတွေ ဖြစ်ပါတယ်။ ကိုယ်တိုင်လည်း တစ်ချိန်လုံး ဒီလက်မောင်းကို တွဲလောင်းဆွဲပြီး သွားချင်တယ်။ တစ်ခုခုဆို စိတ်တိုလာရင် (မနာအောင် ဖွဖွလေး) ထုရိုက်လို့ရတယ်။ တစ်ခါတစ်လေ ရုပ်ရှင်ကြည့်ရင်း အိပ်ဖို့ ခေါင်းအုံးကြီး လုပ်မယ်။ ဒီလို ဒီလို ချစ်စရာလက်မောင်းကြီးတွေကို အင်္ကျီလက်ရှည်ကြီးဝတ်ပြီး ဖုံးမထားပါနဲ့လို့ ပြောချင်ပါတယ်။ အတတ်နိုင်ဆုံး တံတောင်ဆစ်နားလောက်ထိ ခေါက်တင်ထားပေ့ါ။ ကောင်မလေးတွေက အဲဒီလို စတိုင်လ်ကိုမှ ရေရေလည်လည် ခိုက်ကြတယ်ဆိုတာ သိစေချင်ပါတယ်။
(၄) မုတ်ဆိတ်မွှေးရေးရေးလေး
ပြောင်ချောနေအောင် ရိတ်ထားတာက ကြည့်လို့တော့ ကောင်းပါတယ်။ ရင်ခုန်စရာ မကောင်းဘူး။ ပြောင်ချော်ချော်နဲ့။ တကယ်က ရိတ်ထားပြီး တစ်ရက် နှစ်ရက်လောက်မှာ ထွက်လာတဲ့ မုတ်ဆိတ်မွှေး၊ နှုတ်ခမ်းမွှေး တိုတိုငုတ်စိလေး အနေအထားကမှ မိုက်တာ။ အမွှေးငုတ်စိလေးတွေက ပါးရိုးနဲ့ မေးရိုးကို ပေါ်သွားစေတော့ ကျားကျားလျားလျား ရှိတာပေါ့။ နောက်ပြီး အဲဒီ မုတ်ဆိတ်ပါးပါးနဲ့ ကောင်မလေးကို နမ်းကြည့်လိုက်၊ ဘာလို့ ပိုမိုက်တယ်ပြောလည်းဆိုတာ သိလိမ့်မယ်။
(၅) ယောက်ျားလေးသုံး ရေမွှေး (သို့) ချွေးနံ့ပျောက်စေတဲ့ Roll On
အဲဒါ ဘာဓာတ်လည်းတော့ မသိဘူး။ တော်တော်ကြီး အဆင်မပြေတဲ့ရုပ်နဲ့ဆိုရင်တောင် ရေမွှေး ကောင်းကောင်းဆွတ်ထားမယ်ဆိုရင် နည်းနည်းတော့ ကြည့်ရ အဆင်ပြေသွားသလိုလို ဘာလိုလို ဖြစ်တာကိုး။ ရေမွေးရဲ့အစွမ်းတစ်ခုက ခန္ဓာကိုယ်က ထွက်တဲ့ ချွေးနံ့နဲ့ အဆီနဲ့ ပေါင်းစပ်သွားပြီး အနံ့နောက်တစ်မျိုးထွက်တတ်တယ်။ ရေမွှေးအရွေးတော်လို့ကတော့ ဆွတ်သွားတဲ့နေ့ ကောင်မလေးတွေ ဘေးနားကနေ တစ်ဖဝါးမှကို မခွာနိုင်ဖြစ်နေမှာလို့သာ မှတ်ထားလိုက်တော့။
Credit:Duwun
ဤစာဖတ်သူများအားလုံးချစ်သောသူနှင့်ရိုးမြေကျပေါင်းဖက်နိုင်ပါစေလို့ရွှေချစ်သူမှဆုတောင်းမေတ္တာ
ပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
