Facebook, Twitter, Instagram နှင့် LinkedIn ကဲ့သို့သော လူမှုရေးမီဒီယာကွန်ရက်များ၌ phishing တိုက်ခိုက်မှုပြုလုပ်ရန် ကြိုးပမ်းသည့်အရေအတွက်သည် ပြီးခဲ့သည့်နှစ်တွင် ၁၅၀ ရာခိုင်နှုန်းအထိ တိုးမြှင့်လာခဲ့ကြောင်း Proofpoint လုံခြုံရေးကုမ္ပဏီမှ ပညာရှင်များက ပြောကြားသည်။
လိမ်လည်သူများသည် လူမှုရေးမီဒီယာကို အသုံးပြုပြီး လူထောင်ပေါင်းများစွာကို တစ်ပြိုင်နက် ပစ်မှတ်ထားကာ သုံးစွဲသူများအသွင် ဟန်ဆောင်ပြီး အမြတ်ထုတ်လျက်ရှိသည်။
ထို့အတွက်ကြောင့် လူမှုရေးမီဒီယာပေါ်တွင် သတိထားရှောင်လွှဲရမည့် လိမ်လည်မှု (၅) မျိုးကို ဖော်ပြလိုက်ပါသည်။
(၁) Twitter ပေါ်မှ customer service account အတုများ
အွန်လိုင်းဒုစရိုက်သမားများသည် ဘဏ်အချက်အလက်များနှင့် အခြားအရေးကြီးအချက်အလက်များ လိမ်လည်ရယူရန်အတွက် customer service account အတုများ ဖန်တီးကြသည်။ အဆိုပါ account အတုများသည် လုပ်ငန်းသုံး account အစစ်များနှင့် အလွန်တူညီသည်။ သို့ရာတွင် account အစစ်များ၏ နာမည်ကို စာလုံးတစ်လုံးချန်ထားခြင်း၊ underscore ထည့်ထားခြင်း သို့မဟုတ် အခြားကီးဘုတ်အက္ခရာထည့်ထားခြင်းတို့ဖြင့် ဖန်တီးပြုလုပ်ကြသည်။
တစ်စုံတစ်ဦးက ၎င်း၏ဘဏ်သို့ tweet များပေးပို့သည့်အခါ လိမ်လည်သူများက စကားပြောဆိုမှုကို ကြားဖြတ်ရယူပြီး အဖြေအစစ်အမှန်တစ်ခုအသွင်ဟန်ဆောင်ကာ အကြောင်းပြန်ကြားမှု ပြုလုပ်သည်။
၂။ နာမည်ကျော် post များမှ comment အတုများ
နာမည်ကျော် သတင်းဆောင်းပါး သို့မဟုတ် လူမှုရေးမီဒီယာ post တစ်ခုတွင် comment များစွာကို တွေ့မြင်ရနိုင်သည်။ လိမ်လည်သူများသည် လူအများ၏စိတ်ဝင်စားမှုကို အသုံးချကာ link များပါဝင်သည့် comment များကို ထည့်သွင်းပြီး အကြွေးဝယ်ကတ်လိမ်လည်မှုများ ပြုလုပ်သည်။
၃။ live-stream ဗီဒီယိုအတုများ
မီဒီယာကုမ္ပဏီများသည် ၎င်းတို့၏ show များနှင့် ရုပ်ရှင်များကို အွန်လိုင်းထံတွင် လွှင့်တင်မှုများ ပိုမိုပြုလုပ်လာကြသည့်အလျောက် လိမ်လည်သူများကလည်း live-stream ဗီဒီယိုအတုများ ဖန်တီးကာ ပစ်မှတ်ထားလာကြသည်။
၎င်းတို့သည် အားကစားအဖွဲ့တစ်ခု၏ Facebook စာမျက်နှာဖြင့် ပွဲစဉ်တစ်ခုအတွက် အခမဲ့ live-stream ကြည့်နိုင်သော link ကို comment များတွင် ထားရှိခြင်းဖြင့် ပြုလုပ်ကြသည်။ အဆိုပါ link များသည် ဗီဒီယိုစတင်ကြည့်ရှုရန်အတွက် ကိုယ်ရေးအချက်အလက်ထည့်သွင်းရန် တောင်းဆိုသော ဝက်ဘ်ဆိုက်အတုတစ်ခုထံသို့ ရောက်ရှိသွားစေမည် ဖြစ်သည်။
၎။ အွန်လိုင်းလျှော့ဈေး အတုများ
အွန်လိုင်းလျှော့ဈေးအတုများကလည်း customer service account အတုများအတိုင်း အလုပ်လုပ်သည်။ လိမ်လည်သူများသည် တကယ့်အစစ်အမှန် စီးပွားရေးလုပ်ငန်းများနှင့် တူညီသော လူမှုရေးမီဒီယာ account များဖန်တီးကာ လျှော့ဈေးဖြင့်ရောင်းချသည့်အသွင် ဟန်ဆောင်ပြီး လူအများ၏ ကိုယ်ရေးအချက်အလက်များကို ရယူသည်။
၅။ အွန်လိုင်းစစ်တမ်းနှင့် ပြိုင်ပွဲအတုများ
လိမ်လည်သူများသည် စစ်တမ်းဖြေဆိုရန် သို့မဟုတ် ပြိုင်ပွဲတွင်ပါဝင်ရန်အတွက် URL shortener များဖြင့် ပြုလုပ်ထားသော link တစ်ခုပါဝင်သည့် comment များကို post များတွင် ထည့်သွင်းရေးသားခြင်းဖြင့် ကိုယ်ရေးအချက်အလက်များကို ရယူကြသည်။
Ref: CNNMoney
Credit: Internet journal
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
