ငါးခြောက်ဖြစ်တဲ့ အထိ နေမလှန်းဘဲ အစိုဓာတ် ထက်ဝက်လောက် လျော့ကျသွားချိန်မှာ ငရုတ်ဆုံထဲ ထည့်ပြီး ထောင်းပေးပါ။ သို့သော် အထူး ညက်စရာ မလိုပါ။ ငါးပုံပျက်ပြီး အနည်းငယ် ပဲ့ရွဲ့၍ ဖိသိပ်ထည့်လို့ ရတဲ့ အနေအထားထိ ပျော့ပျောင်း လာရင်တော့ ပလတ်စတစ်ဘူး၊ ဖန်ဘူးများထ သိပ်ထည့်ထားပါ။ ပြီးရင် အပေါ်မှ ဆားများကို ဖြူး၍ (အနည်းဆုံး လက်တစ်ဆုပ်ခန့်) အဖုံးကို လုံအောင် ပိတ်ထားလိုက်ရုံ ပါပဲ။ အခုလို သဘာဝနည်းဖြင့် ငါးငါးပိ လုပ်နည်းက ငါးကလေးဆိုရင် နှစ်လခွဲခန့် ကြာမှဖြစ်ပြီး ငါးကြီးဆိုလျှင် သုံးလခွဲခန့် ကြာနိုင်ပါတယ်။
ငါးပိ နပ်လို့ အိုးစဖွင့်တယ် ဆိုရင်ပဲ ငါးပိ အိုးတက်ရည် များကို တွေ့ရပါလိမ့်မယ်။ အဲဒီ အိုးတက်ရည် တွေဟာ သဘာဝ ငါးပိမှထွက်တဲ့ ငံပြာရည်များ ဖြစ်လို့ ဘေးအန္တရာယ် ကင်းစွာ အသုံးပြု နိုင်ပါတယ်။
ဒီအတိုင်းသုံးရင် အနံ့အသက် မကောင်းတဲ့ အတွက် အိုးထဲမှ ငံပြာရည် (အိုးတက်ရည်) များကို ခပ်ယူပြီး ပွက်ပွက်ဆူအောင် ကျိုချက်ထား ရပါမယ်။ ငံပြာရည် အချိုကြိုက် ရင်တော့ သကြား ထည့်ပေးနိုင် ပါတယ်။ ပြီးရင် ပုလင်းအလွတ် တစ်လုံးထဲမှာ သိမ်းပြီး သဘာဝ ငါးငံပြာရည် စစ်စစ်အဖြစ် လိုသလို အသုံးပြု နိုင်ပါတယ်။ ဒါဆိုရင်ဖြင့် အိမ်ရှင်မများ မိမိအိမ်မှာ ငါးငါးပိ လုပ်ရင်း ငါးငံပြာရည် စစ်စစ်ကိုပါ သုံးစွဲလို့ရပါပြီ။
ဆေးဖက်ဝင်ငါးပိရည်ဖျော်နည်း (2)
ငါးပိ ဆိုတာ ငါးကိုရေဆေး၊ ဗိုက်ခွဲကာ အူတွေထုတ်ပြီး ဆား (အငန်ဓာတ်တွေ) နဲ့ အပုပ်ခံ လုပ်ထားတာ မို့လည်း ငါးပိရည်က စားလို့တော့ ကောင်းပါရဲ့ အငန်ဓာတ် ကဲနေပါတယ်။ ဒါကြောင့်လည်း သွေးတိုးရောဂါ သည်များနှင့် ဝက်ခြံပေါက် သူများက ထမင်းဝိုင်းမှာ ငါးပိရည် ရနံ့မွှေးမွှေး လေးကို စိတ်ရှိတိုင်း မစားရဲကြပါဘူး။ သို့သော် အထက်မှာ ဖော်ပြထားသလို သဘာဝနည်းနဲ့ ပြုလုပ်ဖော်စပ် ထားတဲ့ ငါးပိရည်ကို ဆေးဖက်ဝင်အောင် ဖျော်၍ သင့်တင့်တဲ့ ပမာဏ စားခြင်းသည် လူကို ဘေးထွက်ဆိုးကျိုး မဖြစ်စေပါဘူး။
အစပ်ကြိုက် သူများက ငရုတ်သီးစိမ်း ကို လှော်၍ ထောင်းထည့် စားနိုင်ပါတယ်။ ငရုတ်သီးစိမ်း လှော်က ငါးပိရည်ရနံ့ကို ပို၍ ဆွဲဆောင်မှု ဖြစ်စေရုံ သာမက ငရုတ်သီးစိမ်း စားလို့ ဗိုက်နာခြင်း မှလည်း ကြိုတင် ကာကွယ်ရာ ရောက်ပါတယ်။ (ငရုတ်သီး အကျက်မှုန့်ကိုမှ ကြိုက်သူ များကလည်း မိမိအလိုရှိသလို ထည့်လို့ရပါတယ်) ဆေးဖက်ဝင် ငါးပိရည်ဖျော် အတွက် အချိုမှုန့် မထည့်သင့် ပါဘူး။ အချိုမှုန့် အစား ပုစွန်ခြောက်မှုန့် အနည်းငယ် ထည့်ပေး နိုင်ပါတယ်။ သို့မဟုတ် မိမိ အဆင်ပြေရာ ပြုတ်ထားသော ငါးကျည်း၊ ငါးကြင်း၊ ငါးမြစ်ချင်း အသား အနည်းငယ်ကို အရိုးနွှင်၍ ငါးပိရည်ထဲ ခတ်ပေးနိုင်ပါတယ်။ ထမင်းဝိုင်း ပြင်ခါနီးမှာ ငါးပိရည်ခွက် ထဲကို သံပရာရည် ညှစ်ထည့်ပေး လိုက်ပါဦး၊ သံပရာရည်က သွေးတိုးကို ထိန်းပေးနိုင်သလို မြန်မာ့အကြိုက် ချဉ်၊ ငန်၊ စပ် အရသာ ပြီးပြည့်စုံတဲ့ ငါးပိရည် တစ်ခွက်ရပါပြီ။
အတို့အမြှုပ်အဖြစ် မန်ကျည်းသီးဖြင့် ပြုတ်ထားသော ကန်စွန်းရိုးနီ၊ ဖန်ခါးသီး၊ ဆီးဖြူသီး၊ သခွားသီး၊ ဖရဲသီးငယ် သို့မဟုတ် ဘူးသီးပြုတ်၊ ခရမ်းကြွပ်သီး၊ ပူဒီနာရွက်၊ မုန်လာဥနီ၊ ချဉ်ဖတ် အမျိုးမျိုး၊ ရေနွေးဖြော ထားတဲ့ပဲစောင်းလျားသီး၊ ဂေါ်ဖီ၊ ပဲတောင့်ရှည်၊ ကနဖော့၊ မှိုနားတို၊ စာကလေး ခြေတောက်၊ ပဲပုစွန် စတဲ့ သဘာဝ ဟင်းသီးဟင်းရွက် များကို ငါးပိရည်ဖြင့် တွဲဖက် စားခြင်းဖြင့် ခံတွင်းလိုက် စေသလို ဆေးဖက်လည်း ဝင်စေမှာ အမှန်ပါ။
Credit:ပေါက်ပေါက်(DATA Doctor)
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
